Ny Snehvit og norsk krim

Det er tid for meir ny film i Oseana. Denne gongen kjem Bygdekinoen med "Lille speil på veggen der" og "Varg Veum - Kalde hjerter".

Snøkvit med ny vri

Første film ut er den amerikanske filmen "Lille speil på veggen der". Her har regissøren Tarsem Singh skrive om på eventyret vi kjenner om Snehvit.

I filmen møter vi Julia Roberts som den onde dronninga. Når ho tek kontroll over Snehvit sitt rike går Snehvit i eksil i skogen der eit menneskeetande monster ventar. Snehvit blir redda av ein bande småvokste landeveisrøvarar, og ho veks opp til å bli ei urokkeleg ung kvinne, fast bestemt på å vinne attende kongeriket frå den svikefulle dronninga

"Lille speil på veggen der" er ein livleg eventyrkomedie fylt av sjalusi, romantikk og bedrag. Andre på rollelista er blant anna Lilly Collins som Snehvit, Sean Bean som kongen og Armie Hammer som prinsen.

Denne filmen er med norsk tale og har 7 år aldersgrense. Filmen startar klokka 16.00

Den legendariske Varg Veum

Filmen Bygdekinoen har med for dei vaksne er ein ny krimthriller med Gunnar Staalesen sin legendariske privatetterforskar Varg Veum. Denne gongen med nye navn som Mads Ousdal, Ingrid Olava og Laila Goody på rollelista. Den siste Varg Veum-filmen er regissert av hovudrolleinnehavaren sjølv, Trond Espen Seim.

Varg Veum leiter etter eit forsvunne syskenpar i Bergen sitt prostitusjonsmiljø, og finn ut at saken har ein samanheng med eit drap fyrstebetjent Hamre held på å etterforska.

På samme tid skal Varg og Karin bli foreldre, og samtidig som Karin sin mage veks aukar trusselen mot Varg når spora i saka peikar mot ein skruppellaus narkoliga som jaktar på eit parti heroin som er vekk.

Varg Veum ser at livet aldri meir blir det same når han må ta valet: la forbrytarane gå eller setja Karin sitt liv i fare.

"Varg veum - Kalde hjerter" starter klokka 19.00 og har 15 års aldersgrense

Billettar er å kjøpa i resepsjonen i Oseana frå 10. april.