Ny standplass, ny stove - og ein skytebane for ungar

Bildeserie:

1 av 4

Os Jakt- og Fiskelag har dei to siste åra drive med opprusting av anlegget langs Ulvensletta.

– Vi starta med masseutskifting på sørsida av Ulvehiet (klubbhuset), og har no fått bygd ny bane med overbygd standplass og ei lita varmestove, fortel leiar i OS JFL, Hogne Markhus.

Frå før har dei ein 100-metersbane med overbygd standplass og to haglebanar, den eine med fem éinmannsskur så skyttar kan stå under tak.

No har dei bygd ein 50-metersbane.

– Passar spesielt bra for ungar

– Banen passar godt til trening for småviltjakt med 22 kaliber. Vi har tenkt at den er spesielt bra for ungar, kanskje den kan vera med på å gje auka rekruttering til jakt.

Banen har plass til ti skyttarar på standplass, men det er førebels montert berre fem skiver.

Klokka 18 i ettermiddag er det offisiell opning med grilling og skyting.

– Det blir hotdog og brus til ungane og kaffi til dei vaksne. Dei som vil kan få skyta og vi har våpen som gjestane kan låna.