Sport | 16. apr. 2014

Ny sti gjev ny joggeløype

... og løypa langs Ulvenvatnet kan bli forlenga til Sigurdsvika – og rundt heile det store vatnet.

Ny sti gjev ny joggeløype
Denne nye stien langs delar av Ulvenvatnet opnar opp ei ny mosjonsløype rundt Kuventræ.  (Foto: KVB)
Kjetil Vasby Bruarøy
Kjetil Vasby Bruarøyonsdag 16. apr. 2014 06:20

Bildeserie:

Med ny sti kan du no jogga denne rundløypa. (Foto: KVB)
Med ny sti kan du no jogga denne rundløypa. (Foto: KVB)
Om du startar ved Oshallen er løypa 2 km lang. (Google Earth)
Om du startar ved Oshallen er løypa 2 km lang. (Google Earth)
Stien er laga på utsida av kyrkjegarden, som er under utviding.  (Foto: KVB)
Stien er laga på utsida av kyrkjegarden, som er under utviding. (Foto: KVB)
Frå før har vi denne ganske gjengrodde stien langs vatnet.  (Foto: KVB)
Frå før har vi denne ganske gjengrodde stien langs vatnet. (Foto: KVB)
Men no stoppar ikkje stien under brua.  (Foto: KVB)
Men no stoppar ikkje stien under brua. (Foto: KVB)
Her får familien Nytræ plass til hestane sine.  (Foto: KVB)
Her får familien Nytræ plass til hestane sine. (Foto: KVB)
Utvida kyrkjegard skal stå ferdig til sommaren.  (Foto: KVB)
Utvida kyrkjegard skal stå ferdig til sommaren. (Foto: KVB)
1 av 7
Med ny sti kan du no jogga denne rundløypa. (Foto: KVB)
Om du startar ved Oshallen er løypa 2 km lang. (Google Earth)
Stien er laga på utsida av kyrkjegarden, som er under utviding.  (Foto: KVB)
Frå før har vi denne ganske gjengrodde stien langs vatnet.  (Foto: KVB)
Men no stoppar ikkje stien under brua.  (Foto: KVB)
Her får familien Nytræ plass til hestane sine.  (Foto: KVB)
Utvida kyrkjegard skal stå ferdig til sommaren.  (Foto: KVB)

I samband med utviding med 1000 nye gravplassar på Kuventræ er det bygd ny gangsti langs vatnet.

Stien går heilt til brua der E39 kryssar Ulvenvatnet og knyter seg dermed på den etablerte stien frå Kolskogen.

Dermed har det opna seg ei rundløype på ganske nøyaktig to kilometer, om du har start og mål utanfor Oshallen.

– Kan bli forlenga

Ordførar Terje Søviknes seier det er plan om å forlenga stien sånn at du kan gå langs Ulvenvatnet opp forbi Os vidaregåande skule og ned til Sigurdsvika, der Os Roklubb har naust og brygge.

– Derfrå går stien vidare forbi Os MC & MX klubb sin crossbane og inn på øvingsvegen til Os vgs mot Ulven leir.

– Dette stykket er allereie klarert med Forsvarsbygg og kan bli aktuell løype ganske snart.

Løype rundt heile vatnet?

Gang- og sykkelsti rundt heile Ulvenvatnet har vore drøfta før.

No blir det jobba med ny reguleringsplan for eit større område på Ulven, eit høve Os kommune har brukt til igjen å ta spørsmålet opp med Forsvarsbygg.

– Vi var på synfaring i førre veke. Det kom ikkje noko konkret ut av møtet, men det blei blant anna diskutert ulike løysingar for sti gjennom eller forbi terrenget der det er mest øving.

– Stien kan førast utanom nede ved vatnet, på ny fylling rundt det aktuelle neset, eller opp mot Liafjellet, der ein grunneigar frå før har ytra ønskje om å få ein skogsveg for uttak av skog, fortel Søviknes.

I mellomtida kan turgåarar og idrettsutøvarar no gle seg over at det har kome ein sti som no gjev ei kort, men fin rundløype langs Ulvenvatnet.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.