Ny storkonsert

Os Turn Fotball bestilte band i dag. Sjekk kven som skal spela konsert i Oshallen i september!

Kjetil Vasby Bruarøytorsdag 10. juni 2010 12:22

For to år sidan arrangerte Os Turn Fotball storkonsert i Oshallen for første gong. Dance With A Stranger var trekkplasteret, og i fjor blei det ny konsert, då med Vassendgutane.

- I går var det oppe i styret, i dag fekk eg sendt bestilling, fortel arrangementsansvarleg Ove Hjelle.

Med det blei det klart at Postgirobygget speler i Oshallen laurdag 11. september.

Postgirobgget blei etablert i studentmiljøet ved NTNU i Trondheim på 90-talet, og selte 160.000 eksemplar av debutalbumet «Melis».

Bandet er kjent for låter som «En solskinnsdag», «Idyll», «Sløv uten dop» og «Stygge lille Trine». Førre album, «Øyeblikk», kom ut i 2009 og inneheld blant anna låta «Oh-la-la» og «Luftmadrass».

Postgirobygget består av Arne Hurlen, Nils Petter Time, Øyvind Kolset, Per Sarin Madsen og Nicolai Hauan.

Under kan du sjå Postgirobygget LIVE med låta «23 tommer».