Lokal | 20. apr. 2016

Ny væpna aksjon i sentrum

Politiet rykte ut då det kom fleire meldingar om ein mann som gjekk rundt i Os sentrum med noko som såg ut som ein pistol.

Ny væpna aksjon i sentrum
Innsatsleiar Kjetil Øyri kunne trygt ta av seg hjelmen etter at det var tatt beslag i ein softgun-pistol. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 20. apr. 2016 19:15

For andre kveld på rad rykte politiet ut med væpna styrker til Os sentrum.

Klokka 20.06 fekk Midtsiden melding om at fleire patruljar var på veg frå Bergen til Os, men ikkje til same person eller adresse som i går.

– Vi fekk fleire meldingar, uavhengige av kvarandre, på at ein mann gjekk rundt i offentleg rom med noko som såg ut som ein pistol.

– Når vi får den typen meldingar så agerar vi som om det er eit skytevåpen, fortel innsatsleiar Kjetil Øyri frå Vest politidistrikt.

Mannen blei funnen i Os sentrum og politiet har tatt beslag i ein softgun-pistol.

Då Midtsiden var på staden var det uvisst om vedkomande skulle bli tatt med til avhøyr eller om det heile blei løyst på staden.

– Eg forstår at folk reagerer om dei ser våpenliknande gjenstandar på denne måten, det er ofte vanskeleg for sivilie å sjå forskjell på kva type pistol det er snakk om, seier Øyri.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.