Ny video frå Maya

I haust kunne du sjå Maya Vik frå Os på NRK, eit opptak frå Øya-festivalen, der ho snakkar om smaltalk mellom låtane, om det å vera frontfigur.

I juli var Maya på turné i Japan, i haust har ho spelt konsertar heime i Noreg, i byar som Oslo, Lillehammer og Trondheim.

Før jul rakk ho også å reisa til London for å spela inn musikkvideo til tittelsporet på det kritikarroste andrealbumet, Bummer Gun.

– Vi hadde lyst til å få ein litt gritty storbyfølelse. London er ein stor og skitten by med mykje karakter. Det gav ein kul stemning å gå rundt i East End og filma, seier fotograf og regissør Pål Laukli til P3 Musikk.

Under ser du videoen, som hadde premiere denne veka, og som i skrivande stund er sett 1.824 gongar.