Lokal | 11. sep. 2013

Nydeleg utedag på Lurane

VIDEO: Bebuarane fekk testa både hukommelsen og treffsikkerheten under Kom deg ut-dagen på Luranetunet i dag.

Kjetil Vasby Bruarøy
Kjetil Vasby Bruarøyonsdag 11. sep. 2013 11:41

Bildeserie:

Svele-sjef Karin Nystøl. (Foto: Kjetil Vasby Bruarøy)
Alle som ville fekk vera med ut i dag. (Foto: Kjetil Vasby Bruarøy)
I år fekk utedagen endeleg fint vêr. (Foto: Kjetil Vasby Bruarøy)
Aud Winsents (t.v.) og Tove Hille. (Foto: Kjetil Vasby Bruarøy)
På post: Test av hukommelse. (Foto: Kjetil Vasby Bruarøy)
Fulltreffar! (Foto: Kjetil Vasby Bruarøy)
Monica Storaker og Andrea Forstrønen takka butikkane i Os for premiane. (Foto: Kjetil Vasby Bruarøy)
I sansehagen. (Foto: Kjetil Vasby Bruarøy)
Svele-sjef Karin Nystøl. (Foto: Kjetil Vasby Bruarøy)
Alle som ville fekk vera med ut i dag. (Foto: Kjetil Vasby Bruarøy)
1 av 8
Alle som ville fekk vera med ut i dag. (Foto: Kjetil Vasby Bruarøy)
I år fekk utedagen endeleg fint vêr. (Foto: Kjetil Vasby Bruarøy)
Aud Winsents (t.v.) og Tove Hille. (Foto: Kjetil Vasby Bruarøy)
På post: Test av hukommelse. (Foto: Kjetil Vasby Bruarøy)
Fulltreffar! (Foto: Kjetil Vasby Bruarøy)
Monica Storaker og Andrea Forstrønen takka butikkane i Os for premiane. (Foto: Kjetil Vasby Bruarøy)
I sansehagen. (Foto: Kjetil Vasby Bruarøy)
Svele-sjef Karin Nystøl. (Foto: Kjetil Vasby Bruarøy)

– Dette er tredje gong vi har Kom deg ut-dag og endeleg, for første gong, har vi fint vêr, sa Aud Winsents, einingsleiar ved Luranetunet, då ho i dag inviterte bebuarane ut.

Sånn såg det ut då dei eldre trassa regnvêret i fjor.

Kom deg ut-dagen for dei eldre i Os blir arrangert i samarbeid med "Livsglede for eldre" ved elevar frå Os vidaregåande skule, Os Frivilligsentral, Os Turlag, Os Demensforening, besøksavdelinga og kultureininga i Os kommune.

Elevar på post

Elevane frå helsefag ved Os vidaregåande skule hadde gjort eit godt forarbeid med postar der bebuarane fekk litt å bryna seg på.

På den eine posten skulle dei tippa kor mykje pasta det var på ei krukke, på ein annan post var det test av hukommelse eller ute-bowling.

– Premiane har vi fått sponsa av butikkar på Os. Nesten ingen sa nei til å gje premiar, det er vi veldig takksame for, seier Monica Storaker og Andrea Forstrønen.

– Dette er utruleg kjekt og sosialt, og det er heilt nydeleg at vi fekk sånt vêr.

– Eg har budd her i tre år og vore med på alle Kom deg ut-dagane, seier Liv Bjoarvik, medan ho tippar talet på pasta penne til nokre hundre.

Taffel og treff

Kor mange som deltar på Kom deg ut-dagen varierer frå år til år, ut frå vêret og dagsformen.

– Men dette er utan tvil den finaste utedagen vi har hatt, seier Winsents.

– Noko av det kjekkaste er at fleire treff igjen kjente frå andre avdelingar, folk dei bur i nærleiken av, men som dei ser sjeldan.

Medan dei eldre gjekk eller blei trilla frå post til post spelte Øyvind Gjerde fin taffelmusikk på saksofon.

– Familiane kunne vore flinkare

Innimellom dei tilsette og frivillige som gjekk og følgte bebuarane frå post til post møtte vi ein og annan "i sivil".

Blant dei var Hans Anton Kleiven, som delte utedagen med mora Kari.

– Dei tilsette her oppe gjer ein fantastisk jobb, synest Hans Anton.

– Men vi som er i familie med dei som bur her kunne vore flinkare til å koma på besøk og til å ta dei eldre med ut ein liten tur, som om dei budde heime. Vi kan ikkje overlata alt til fellesskapen, til dei som jobbar her og har mange å ta seg av.

Han innrømmer at han sjølv kunne vore på Luranetunet oftare, men er glad for at mora har barnebarn som er ivrige gjestar.

– Vi kunne nok alle vore flinkare, for eg trur det betyr mykje. Dagen i dag er fin, men det er kvardagar det er flest av, seier Hans Anton Kleiven.

Spennande? Vil du ha ukas høgdepunkt i innboksen?

Les meir om

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.