Lokal | 16. aug. 2011

– Nydeleg å vera med i NM!

Båtbyggar Hallgeir Bjørnevik segla NM i oselvar i Austevoll i helga.

– Nydeleg å vera med i NM!
Kjetil Vasby Bruarøy
Kjetil Vasby Bruarøytirsdag 16. aug. 2011 08:58

Austevoll Seilforening var arrangør av årets NM i oselvar, som blei halde på Møgsterfjorden 12. til 14. august.

– 20 nystrigla oselvarar, rigga med segl og lasta med mannskap, eg synes NM viser kremen av oselvarar, seier båtbyggar Hallgeir Bjørnevik frå Os.

Oselvaren har blitt brukt som regattabåt samanhengande sidan slutten av 1800-talet og har sidan 1978 vore eigen regattaklasse i Norges Seilforening.

5. plass i siste seglas

Bjørnevik var mannskap på «Peder», der Kjell Magnus Økland er rormann.

– Dette var andre år eg var med. Det beste vi klarte var 5. plass i tredje og siste seglas.

– Men det var veldig kjekt og mykje action, det var blant anna fire båtar som kullsegla, seier Hallgeir og ler.

Nils-Ove Nipen vann

I tillegg til Bjørnevik var Eva og Bjarte Sandtorv med frå Os.

– Dei hadde med både mor og unge, så dei var tre generasjonar om bord, fortel Hallgeir.

Medan Bjørnevik og Økland kom på 13. plass hamna familien Sandtorv på 9. plass.

Nils-Ove Nipen frå Milde Båtlag vann framfor Jan Vee frå Siglarlaget Njord/Tysnes.

Heile resultatlista fin du på Austevoll Seilforening sine nettsider.

Spennande? Vil du ha ukas høgdepunkt i innboksen?

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.