Lokal | 21. juni 2018

Nye krefter bygger sankthansbål i Vikjo

Eit band har meldt seg for å spela og nye samarbeidspartnarar av Oseana er godt i gang med å bygga bål.

Daniel og Kari med arbeidsmoralen på topp mellom dei små bygene i Mobergsvikjo. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 21. juni 2018 11:01

Bildeserie:

Under bålet ligg hønsenetting for enkel rydding etterpå. (Foto: KVB)
Livskvalitet-gruppa er ny samarbeidspartnar med Oseana. (Foto: KVB)
– Vi har rikeleg med paller. (Foto: KVB)
Etterkvart gjekk det sport i bålbygginga. (Foto: KVB)
Under bålet ligg hønsenetting for enkel rydding etterpå. (Foto: KVB)
Livskvalitet-gruppa er ny samarbeidspartnar med Oseana. (Foto: KVB)
1 av 4
Livskvalitet-gruppa er ny samarbeidspartnar med Oseana. (Foto: KVB)
– Vi har rikeleg med paller. (Foto: KVB)
Etterkvart gjekk det sport i bålbygginga. (Foto: KVB)
Under bålet ligg hønsenetting for enkel rydding etterpå. (Foto: KVB)

I år er sankthansaftan på ein laurdag, i tillegg ser vêrmeldingane no lysare ut.

Tradisjon tru er Os kommune og Oseana med på å legga til rette for stor fellesfeiring i Mobergsvika, og to utfordringar har no løyst seg på beste vis.

Etter at programsjef Berit Steen i Oseana fortalde at både Os Spelemannslag og Durspelsamskipnaden er opptatt, har eit anna lokalt band meldt seg for å spela denne kvelden.

– Vi er veldig glad for at orkesteret «I siste liten med Bente B. og de» vil koma og spela, det blir ekstra fin stemning når vi får livemusikk saman med bål og god grillmat, seier Berit Steen.

Bandet består av Bente Borghild, Astrid Lofthus, Terje Moberg, Per Rød og Marit Bøe.

– Dessutan får vi ekstra god hjelp til å bygga bål i år.

Utvida arbeidsområde for «Livskvalitet»-gruppa

Arbeidslaget i prosjektgruppa «Livskvalitet», med base på Vartun, har dei siste åra gjort alt frå å delta i dragebåtfestival og spela med gatelag mot kjendislag på barnefotballcup, til å bygga gapahuk i Ervikane, ha vedlikehald for BOF på alle friluftsområda i Os og bygga skjermveggar for komande, ny motocrossbane.

– Det starta med at vi har brukt dei som scenearbeidarar for opp- og nedrigg i Oseanasalen, no stiller dei òg med mannskap når kunst skal flyttast eller monterast, fortel Lasse Nordahl-Pedersen frå Oseana.

– Tilbakemeldingane frå dei som har framsyningar hos oss er veldig gode, og då vi no skulle laga bål så meldte dei seg til teneste der òg.

– Første gong eg såg Oseana

I arbeidslaget, som i skrivande stund er i full sving med å bygga bål, er stemninga på topp.

– Eg synest oppdraget i Oseana er veldig kjekt. Når Riksteateret er her, er det dessutan veldig enkelt. Dei har veldig system på ting og alt er pakka i passeleg tunge esker, seier ein av arbeidarane.

– Men når rockarane kjem er det verre, dei har mykje tungt utstyr, legg han til og ler.

Ein annan av bålbyggarane, Daniel, har nett flytta heim igjen til Os.

– Det er mange år sidan eg var på Vestlandet og det er første gong eg ser Oseana. Det er kjempefint, det ser jo nesten ut som eit romskip, seier han om den moderne arkitekturen på Mobergsneset.

Paller har byggelaget fått rikeleg av.

– Men vi bruker ikkje alt på éin gong. Bålet blir i tre høgder, tryggleik er viktig. Så fyller vi på med meir etterkvart, seier Tor Arne Hitland frå Vartun.

Under bålet er det lagt hønsenetting for enkelt å kunna rydda vekk spiker frå fjøra etter at sankthansfeiringa er over.

– Vi har nok ikkje hatt eit finare bål enn dette før, no gler vi oss til laurdag, seier Berit Steen nøgd.

Spennande? Vil du ha ukas høgdepunkt i innboksen?

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.