Nye rekordar til Sverre
Kolomna: Sverre Lunde Pedersen gjekk endå raskare på 1500-meteren enn då han tok VC-bronse - og persa på 5000 meter.
Sverre Lunde Pedersen tok førre helg sin første individuelle verdscupmedalje då han fekk bronse på 1500-meteren.
Tida, 1.46,54, var den beste han har gått på europeisk is. Men det var fram til i går.
I verdscupen i Kolomna, eit lite stykke utanfor Moskva, gjekk han i går inn på 1.46,37.
Denne gong heldt det berre til 9. plass. Håvard Bøkko blei beste norske på 5. plass med tida 1.46,09, Koen Verweij vann på 1.45,56.
Ny pers på 5000 meter
Laurdag gjekk Sverre 5000 meter, og då gjekk det endå betre.
6.19,16 er ny pers, over 3 sekund raskare enn den førre (innandørs i Calgary i februar 2011).
Tida heldt til 7. plass, plassen bak Håvard Bøkko, som gjekk i mål på 6.17,51. Sven Kramer vann på tida 6.10,62.