Lyngheim innbyr til leik og fysisk aktivitet - i desse dagar vert det montert eit nytt crossfit-apparat. (Foto: Kjetil Osablod Grønvigh)

Nye tilskot på Lyngheim

Om ikkje lenge kan du trena side om side med ungane mens dei leikar.

image
image
image
image
image
image
image
image
Av: Kjetil Osablod Grønvigh

I desse dagar er ein ny konstruksjon i ferd med å reisa seg på Lyngheim-området.

Den er flunkande ny, grøn, og vert eit supplement til dei poplære leikeapparata som allereie står der.

Crossfit, rutsjebane og balanse-line

Torunn Paus frå Teknisk eining fortel at når fundamenteringa er ferdig skal det monterast eit crossfit treningsapparat.

– Vi kunne velja mellom fargane grøn eller rosa og raud, så grøn passa best inn inn i ein allereie grøn park

– Dette vert eit vaksen-tilskot i ein allereie populær park.

No vert det altså mogleg å ta treningsøkta i nydelege omgjevnader.

Paus fortel at det i same rennet vil komma på plass ei rutsjebane for borna, og det vil bli montert ei balanse-line for dei som vil testa balansekunstane sine når dei besøker Lyngheim.

– Rutsjebane har vore sakna frå skulane og barnehagane som nyttar klatreparken. Balanse-lina vil du finna i skogkanten nokre meter nord for apparata.

Det er ikkje planlagd noko offisiell opning av dei nye tilskota, men Paus fortel at  ho er blitt lova at alt skal vera klart neste måndag, altså om ei veke.

Fleire saker