Samferdsle | 28. okt. 2022

Nye Vallabrua opna i dag

Fekk bruka eitt felt mens asfalten på det andre kjølte seg ned.

Nye Vallabrua opna i dag
Frå 10.30-tida i dag har trafikken gått over ny bru, dei første timane med dirigering og eitt felt i bruk. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 28. okt. 2022 12:34

Prosjektet Hauge-Vallabrua på Hegglandsdalsvegen er, av ulike årsaker, nokre månadar bak skjema.

Men i dag nådde dei ein milepæl.

Klokka 10.30 blei trafikken flytta frå midlertidig bru til nybygd versjon av Vallabrua.

– Det er eitt køyrefelt i bruk no i starten, mens asfalten på det andre køyrefeltet kjøler seg ned. Men snart blir heile køyrebanen tatt i bruk, seier prosjektleiar Øyvind Bratthammer frå Vestland fylkeskommune.

Midlertidig bru har vore i bruk sidan 10. mars. Den gamle brua er riven og erstatta av ei heilt ny bru.

Den gamle Vallabrua, som hadde plass til berre éin om gongen, er riven. Her i 2020. (Foto: Kjetil Vasby Bruarøy)
Den gamle Vallabrua, som hadde plass til berre éin om gongen, er riven. Her i 2020. (Foto: Kjetil Vasby Bruarøy)

I neste veke er det ikkje plan om asfaltering, men støyping.

– Det er så mykje kablar og røyr i bakken nær brua, at vi ikkje kan ha autovern. Autovern stikk 1,5 meter ned i bakken, så i staden blir det noko støyp i dette området.

Les ògVil redusera farten og bygga fleire overgangar

Prosjektet ligg an til å bli ferdigstilt i slutten av november.

– Det står noko arbeid igjen nord for brua, det er gang- og sykkelveg som skal asfalterast, meir lys skal på plass og delar av Borgavegen skal hevast litt.

Det såg ei stund ut til ikkje å bli fartsreduserande tiltak på den nye vegen, men no er det fart i sakene der òg.

– Eg var på synfaring med entreprenør i går, og ventar å få pris frå dei i neste veke, seier Bratthammer.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.