Nytt kommunenamn vedtatt

Fylkesmann Lars Sponheim leiar det som i kveld er felles kommunestyremøte for Fusa og Os på Fusa vidaregåande skule.

Kvart kommunestyremedlem blei, som på Stortinget, høgtideleg presentert med namneopprop før møtet starta.

På sakslista sto blant anna drøfting av namn på det som frå 2020 er samanslått kommune, Os og Fusa, talet på medlemmar i nytt kommunestyre og val av revisor for fellesnemnda.

Namnet er vedtatt; den nye kommunen skal heita Bjørnafjorden kommune (med «a», ikkje Bjørnefjorden).

• Les òg: Fosa, Ous eller Sofus

«Os og Fusa» og berre «Os» var blant andre anbefalte namneforslag, men det blei til slutt røysta om berre «Bjørnafjorden» og «Os og Fusa».

Seks representantar frå Os stemte for «Os og Fusa» som namn på kommunen.

Midtsiden kjem tilbake med meir frå møtet.