Lokaloppgjer utsett til hausten

Fotballsesongen er berre rundt ein månad gamal, men det har allereie vore lokaloppgjer både mellom Lysekloster og Os i 3. divisjon, mellom Nore Neset og Os gutar 19 og mellom Os 3 og Søfteland i 7. divisjon søndag - med over 200 på tribunen.

I kveld skulle det vore nok ein kamp med kortreist motstand, Os 2 hadde plan om å ta imot Nore Neset til 4. serierunde.

Os 2 har tatt 6 poeng til no, Nore Neset har tatt 5.

• Tabell og terminliste på fotball.no

Os 2 rykte ned frå 4. divisjon i fjor, Nore Neset rykte opp frå 6. divisjon hausten 2021.

Les ògHar skåra fem mål på tre dagar

Men kveldens kamp er utsett fordi Os G19 har tatt seg vidare i NM, og Os 2 senior består i hovudsak av juniorar, som sto i fare for å få eit altfor tett kamp-program.

RETTA: Vi skreiv først at kampen skulle spelast i kveld, men den er utsett.

Ny dato er ikkje sett, men det blir over sommaren, og dermed to tettare lokaloppgjer i 5. divisjon.

Les òg«Gamle Os 2» møter nye Os 2 i serien neste år

Nore Neset består av fleire tidlegare Os-spelarar, som Sander Fagerbakke Kvittingen og Adrian Kallekleiv Valle.

Os 2 består av fleire tidlegare Nore Neset-gutar, som Magnus Spangelo Haga og storskårar Kaspar Klett Døsen.