Kultur | 30. juni 2010

Olea fortel om Bulls villa

Olea Smith-Kaland, Ole Bulls oldebarn og ein av dei som har hatt villaen som heimen sin, kjem sundag til Lysøen for å halda foredrag.

Kjetil Vasby Bruarøy
Kjetil Vasby Bruarøyonsdag 30. juni 2010 09:48

Museet Lysøen har tradisjon for å markera den amerikanske nasjonaldagen med heising av det amerikanske flagget.

Sundag 4. juli blir det ikkje berre stjerner og striper, men foredrag av Ole Bulls oldebarn, norsk-amerikanske Olea Smith-Kaland.

- Ho er ei av dei som har hatt villaen som heimen sin. Eg har høyrt når ho har foredrag til lukka lag, og ho har mykje spennande å fortelja, seier museumsdirektør Berit Høgheim.

Olea var på Lysøen kvar sommar fram til mora Sylvea i 1973 gav bort eigedomen til Fortidsminneforeningen.

- Framleis er Olea ofte på Lysøen. I 1986 fann ho kjærleiken i Bergen og flytta frå USA til Noreg. Eg er veldig glad for at ho takka ja til å koma og fortelja hennar historie om villaen.

Foredraget, som startar klokka 14, blir halde på engelsk, men med supplering på norsk. Skyssbåten går som vanleg til og frå Lysøen frå Buena denne sundagen.



Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.