Oljesøl kom sigande gjennom slusa

Laurdag litt over klokka 13 fekk politiet melding om oljesøl og lukt i frilustområdet Mobergsvika.

Politi og brannvesen rykte ut.

– Sølet var lett synleg, og viste seg å koma frå gjestebrygga på andre sida av moloen, fortel vakthavande ved Bjørnafjorden lensmannskontor.

Kjelda til oljesølet var ein båt som hadde hatt havari i fjorden og blitt taua inn til gjestebrygga.

Brannvesenet la ei lense under den vesle brua på moloen, så ikkje meir søl skulle koma bort til badevika.

– Det var heldigvis ikkje dei store mengdene. Det såg heller ikkje ut til å vera ein lekkasje, men noko lensa vatn frå kjølen på båten.