Omkom etter sykkelulykka

Tysdag i 19.30-tida kolliderte ein kvinneleg syklist med ein traktor i Langedalen.

Kvinna blei alvorleg skadd i hovudet og blei frakta til sjukehus i helikopter. Tilstanden hennar var framleis kritisk onsdag formiddag og onsdag kveld fortel politiet at livet hennar ikkje sto til å redda.

– Kvinna omkom dessverre i dag, opplyser politibetjent Kenneth Rastad.

Kvinna var frå Bergen og var på treningstur med venar i Bergen Cycleklubb då uhellet skjedde. Dei skal i ettermiddag ha vore samla i Søreide kyrkje.

Politioverbetjent Terje Sperrevik opplyser til bt.no at ulykka blir etterforska på vanleg måte og at det ikkje ser ut til at traktorføraren kan klandrast for noko.