Ønskte Vennebyen velkomen

Bildeserie:

1 av 3

Figurar frå den populære norske animasjonsserien Vennebyen besøkte Os i går.

Historia er skapt av politimannen Carl Christian Hamre og inspirert av barns fasinasjon for utrykkingsetatane. Den handlar om rekruttane «Apa» i politiet, «Elfie» i brannvesenet og «Ted» i ambulansetenesten. Seinare har fleire figurar kome til, og då Elfie ikkje kunne koma i går, stilte haren Jumpi opp.

– Nokon har stole ein do, ring 112! Har du slått deg i eit kne, ring 113, var blant reglane ungane song med på i går.

Vennebyen er omsett til 26 språk og selt til meir enn 200 land. I England har den fått namnet «City of Friends». I Noreg blir serien vist på TV2. Den er òg tilgjengeleg på Netflix, TV 2 Sumo og SF Kids.

Vennebyen hadde to show utandørs på Amfisenteret i går, og var i tillegg inne på senteret for å møta sine mange unge tilhengarar i Os.