Ope møte om Finnebrekka

Torsdag ettermiddag inviterer Os kommune til ope folkemøte om utvikling av sentrum austom elva i storsalen i Kyrkjetunet.

– Dette er ein del av arbeidet med ny områdereguleringsplan, kor Asplan Viak no er tildelt arbeidet med å laga ein moglegheitsstudie for Finnebrekka-området, fortel Henning Wenaas Ribe, by- og arealplanleggar i Os kommune.

Vil ha svar på fem spørsmål

På møtet vil planavdelinga gå gjennom status i arbeidet med områdeplanen og Asplak Viak presentere korleis dei har tenkt å arbeide med moglegheitsstudien.

– Etter dette vert det eit opplegg for medverknad der tilhøyrarane får seie og vise kva dei meiner og tenkjer om Os si utvikling.

– Det blir stilt fem spørsmål om kva er det beste med Osøyro/Os sentrum, finst det stader/byar du meiner vi kan læra av i Os, kva bustadtyper manglar i Os sentrum, kva er Osøyro sin identitet og kva saknar du i Os sentrum.

– Møtet er ope for alle interesserte, avsluttar Wenaas Ribe.