Opning av Os Idrettspark Kuventræ

Opna hallen med eit brak

Video og bildeserie: Opningsfesten blei ein hyllest av mangfald i idrettsbygdo Os.

image
image
image
image
image
image
image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

– Dette er siste byggetrinn i nye Os idrettspark Kuventræ, sa ordførar Terje Søviknes, og ramsa opp kva Os kommune og Os Turnforening har av fasilitetar - og alt som ligg av barnahagar, skular, anlegg og klubbar i gåavstand frå Kuventræ.

Ny dobbelhall, som sto klar til bruk til skulestart i august, fekk i dag opningsfesten sin.

• Bildeserie: Den nye hallen - på innsida

Etter at Søviknes også hadde takka lokalpolitikarane i Os, adhocutval, idrettsråd, Consto Bergen, eigne prosjektleiarar og Trond Mohn, som kom med 10 millionar kroner til anlegget, var det idrettspresidenten sin tur.

Tom Tvedt, som i 2015 var tidenes yngste president i Norges Idrettsforbund, minnest tida han og Søviknes, frå kvar sine parti, i 1999 blei valt til ordførarar. Den tidlegare landslagsspelaren i handball drog òg parallelen til korleis dei har jobba for å bygga gode sentralidrettsanlegg, Tom i Randaberg og Terje i Os.

– Eg må innrømma at akkurat no, så leiar du Terje! Men i god Fair Play-ånd vil eg gratulera deg og Os med denne flott dobbelhallen.

• Bildeserie: Den nye hallen - frå utsida

Etter talane var det fartsfylt oppvising i cheerleading, karate og taekwondo. Ei rekkje idrettslag stilte på stand i den eine hallen, samtidig starta handballturnering i den andre - mens gode, gamle Oshallen husa hoppemadrass og område til fri leik.

Involverte partar og inviterte gjestar trekte seg opp til servering i møterommet til Os Idrettspark.

– Nyt tida når du har ungar i idretten. Du kjem til å sakna det sosiale, underhaldninga, til og med det å køyra, å venta og å gå på dugnad når denne tida er over, sa dagleg leiar i Od Idrettspark KF, Torbjørg Brattabø.

Fleire saker