Opnar ikkje i dag

I slutten av september fortalte Os kommune av Ole Bulls veg over Søvikåsen blei stengt i sju veker.

I dag skulle vegen ha opna, men arbeidet er ikkje ferdig.

– Arbeidet har stort sett gått etter planen, men grunna sprenging av ei ekstra steinblokk er det noe utsett, seier Hege Christine Bolstad frå teknisk eining i Os kommune.

Under opprensinga blei det avdekka ei 25 kubikk stor steinblokk som blei vurdert som ein risiko.

– Ingen visste sikkert kor tid denne blokka ville ha kome ned av seg sjølv, men tilrådinga frå geologane var å ta den ned no, så vi valte å vera på den sikre sida.

Opnar tidlegast 1. desember

Det er selskapet Inter Handling Fjellsikring AS som utfører jobben og den store steinblokka, som no er sprengt ned, er snart rydda av vegen.

– Når det er gjort går dei inn i siste fase, som er å setja opp eit fang-gjerde langs vegen.

– Om vêret held seg bra og ikkje andre uventa ting dukker opp så vil Ole Bulls veg opna rundt måndag 1. desember.