Opning, utstilling og oppvising

Os fleirbrukshall på Kuventræ sto klar til bruk ved skulestart i august.

Til kranselaget i februar sette vi saman bildeserien i videoruta over.

• Sjå bildeserie av innsida av dobbelhallen

Ordførar og president

Den offisielle opninga er i dag, søndag 11/11, med start klokka 11.11.

Opningsfesten er open for alle, og opningsseremonien inkluderer tale av ordførar Terje Søviknes og helsing frå idrettspresident Tom Tvedt.

Så blir det oppvisning med CheeriOs (cheerleading og med kampsportklubbane som trener i den nye dobbelhallen.

Fleire idrettslag stiller påå med stand for å fortelja om tilboda sine, og utover opningsdagen er det hoppemadrass for dei yngste, minihandballturnering og volleyballkamp.

Innhald

Bygget er på rundt 54 x 53 meter i grunnflate (2900 kvm), integrert i dagens foajé til Oshallen og Osbadet.
Parkeringskjellaren får 95-100 plassar. Dette er vesentleg meir enn parkeringsplassen som blei ofra for å få plass til bygget. I tillegg kjem 30 nye parkeringsplassar utandørs.

Innhaldet i hallen, over parkeringskjellaren er:

1. etasje
• Nytt inngangsparti med stor foajé
• To fullskala handballhallar til fleirebruk, begge kan delast i tre med skiljevegg
• 6 garderobar (3 herre, 3 dame) med toalett og dusj
• 2 dommargarderobar
• 2 lager (45 og 105 kvm)

2. etasje
• Tribune på 143 kvm
• Teknisk rom 73 kvm
• 4 disponible rom (65, 124, 142 og 222 kvm)