Oppdaga mini-plantasje

Politiet i Os tok beslag i 10 cannabis-planter og 100 gram hasj.

Kjetil Vasby Bruarøytorsdag 10. feb. 2011 09:35

I 17-tida onsdag slo politiet til mot ein mann i 20-åra. Vedkomande er ikkje ein kjenning frå politiet frå før, men aksjonen var ikkje resultatlaus.

- Vi tok beslag i rundt 100 gram hasj og 10 cannbisplanter, fortel politiførstebetjent Audun Hadler-Olsen.

Mistenkte var åleine i husværet sitt då politiet slo til. Han blei tatt med til avhøyr, der han erkjente både bruk, oppbevaring, produksjon og sal av narkotika.

Mannen blei dimittert etter avhøyr.