Oppdaga ulovleg garn

Oppsynsmann er varsla etter at det blei oppdaga flytegarn i fredningssona utanfor Oselvo.

Ut frå denne moloen mellom Solstrand og Moldaneset sto garnet søndag, og måndag, då dette bildet blei tatt. Garnet ser du i bildeserien. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 17. jan. 2017 21:26

Bildeserie:

Garn innanfor fredningssona skal seinkast 5 meter, heile året. (Kart: Fylkesmannen)
Søndag blei det gjort forsøk i beslag, men garnet var ikkje lett å få opp. (Foto: KVB)
Garnet var fortøydd ved moloen. (Foto: KVB)
Garn innanfor fredningssona skal seinkast 5 meter, heile året. (Kart: Fylkesmannen)
Søndag blei det gjort forsøk i beslag, men garnet var ikkje lett å få opp. (Foto: KVB)
1 av 3
Søndag blei det gjort forsøk i beslag, men garnet var ikkje lett å få opp. (Foto: KVB)
Garnet var fortøydd ved moloen. (Foto: KVB)
Garn innanfor fredningssona skal seinkast 5 meter, heile året. (Kart: Fylkesmannen)

Søndag blei det observert eit flytegarn utanfor Moldegård, og oppsynsmann blei varsla.

– Det er velkjent at dette er ein stad du kan få sjøaure, og garnet står innanfor fredningssona, fortel varslar.

Fredningssona går Frå grense elv/sjø (elvemunninga) i Oselva og ut til ei linje som går i nordaustleg retning frå eit punkt 300 meter sør for Ferstadneset, forbi austsida av Raudholmane, ifølgje Lovadata.no. Kart over fredningssonene finn du i bildeserien over og på denne sida hos fylkesmannen.no.

Historisk lågmål

– Ulovleg garnfiske i fredningssonene er dessverre eit stort problem. I fjor tok vi 49 beslag, nokre av dei i Os, fortel Hartvig Haugen frå Statens Naturoppsyn, avdeling Midt- og Sunnhordland.

– Når vi veit at bestanden av sjøaure i vassdraga i Hordaland er på eit historisk lågmål, er dette svært alvorleg.

– Skal seinkast til minst fem meter

Innanfor fredningssonene i Hordaland skal alle garn, uansett maskevidde, senkast til minst 5 meter, ifølgje Fylkesmannen.

Garnet som blei funne mellom Solstrand og Moldaneset, der grensa går, var fortøydd i ein molo og var ikkje seinka.

– Ved slike observasjonar tar vi beslag. Om vi kan identifisera eigar så blir vedkomande meldt, om ikkje blir fangstreiskapen inndregen og lagra i tre månadar før destruering.

Prøvde å ta beslag

Haugen vil ikkje kommentera denne konkrete saka, men stadfestar at han blei varsla, og at det er tydeleg at det er snakk om ulovleg fiske.

Midtsiden kjenner til at det søndag kveld blei gjort forsøk på å ta opp garnet, og at det var vekke då det tysdag kveld skulle gjerast nytt forsøk.

Kvar kan du fiska?

Innanfor fredningssona er ei anna grense, grensa mellom elv og sjø.

Kva reglar gjeld for eksempel på moloane utanfor Os hamn?

• Les meir: Kan du fiska her?



Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.