Lokal | 14. apr. 2016

Opprettar ny fastlegestilling

Skal du byte fastlege i Os har du ei utfordring. Ingen av legane har plass til deg. No oppretter kommunen ein ny hjemmel med plass til 1200 pasientar.

Opprettar ny fastlegestilling
Laila Marie Reiertsen (Frp) stilte spørsmål om fastlegehjemlar i formannskapet (foto: Andris Hamre)
Andris Hamretorsdag 14. apr. 2016 08:34

Det var i formannskapet tysdag at kommunalsjef for pleie, omsorg og beredskap, Nils-Petter Borge, fortalde at dei var i dialog med HELFO og at det er nært foreståande å lyse ut ei ny fastlegehjemmel i kommunen.

– Vi oppretter ei ny 0-liste med 1200 pasienter. Vi har jobba med korleis få det til. Utfordringa har nemleg vore at ingen av legekontora har hatt plass til ein lege til. Vi gjer no nokre grep for å få det til.

– I realiteten kan vi vera i sving over sommaren, fortalde Borge.

Rett på fastlege også på sjukeheimen

Bakgrunnen for spørsmålet var at Laila Marie Reiertsen (Frp) spørte om dei som blir lagt inn på sjukeheimen på langtidsplass framleis har fastlege eller om dei blir flytta over til tilsynslegen på sjukeheimen.

– Dei har framleis rett på fastlege, men i praksis er det tilsynslegen som overtek ansvaret for pasienten. I tilleg har vi ei 40%-stilling i omsorgsbustadene våre, så dei som er innunder omsorg i kommunen er godt dekka.

– I desse dager lyser vi òg ut stillinga som sjukeheimsoverlege etter at den førre no går av med pensjon. Kor stor den stillinga blir er litt avhengig av marknaden og kor stor stilling søkjerane ønskjer, forklarte Borge.

– Så det vil seie at dei som er inne på sjukeheimen får dobbelt opp. Hvis det gjeld i heile landet, så er det kanskje eit spørsmål å løfte vidare, kommenterte Reiertsen, som òg sit på stortinget for Frp.

– Ja, vi har ikkje moglegheit lokalt til å nulle listene, svara Borge.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.