Opprettar sak etter utforkøyring

Onsdag i 19.30-tida fekk politiet melding om bil i autovernet på Strønevegen.

Uhellet skjedde i nærleiken av avkøyrsle mot Kysthospitalet.

– Saka er ikkje ferdiskriven, men ut frå notatane ser det ut som om bil eller bilførar stakk vidare etter uhellet, fortel politiførstebetjent Rune Fimreite.

Politiet har i etterkant vore i kontakt med bileigar og dei har møttest for avhøyr.

– Det blir oppretta sak, men kvifor episoden blir meldt kjem ikkje fram av førebels notat.

Bileigar er ein mann i 20-åra frå Os.