ORBO - "Heim til Os"

ORBO med song til Os

VIDEO: Ole Reinert Berg-Olsen kjem neste år med album på norsk. I går hadde han urframføring av låta "Heim til Os". 

Av: Kjetil Vasby Bruarøy

Ole Reinert Berg-Olsen har frå 2005, om vi tar med LIVE-albumet LIVE 10 (2010), gjeve ut seks album, fem av dei saman med bandet sitt, The Longshots

SJÅ VIDEO NEDST I ARTIKKELEN

Før neste ORBO & The Longshots-album, som truleg blir spelt inn i løpet av 2013, gjev han 8. mars neste år ut si første plate på norsk, Steingard.

– Kva gjorde at du ville synga på norsk?

– Eg må jo synga noko som ho forstå, seier Ole Reinert og ser betatt på dottera Scarlet, som han hadde i armkroken etter gårsdagens urframføring av ei låt han har skrive til og om Os, "Heim til Os".

Tidlegare i år fekk han morsmålet på låtskrivar-hjernen og no har han 15 norske låtar klare. 12 av dei kjem på albumet som er nærmast ferdig spelt inn i Ole sitt eige studio i Os.

"Heim til Os" er ein hyllest til Osbygda, som Ole ferierte i som ung, og har hatt som heimbygd meir eller mindre samanhengande dei siste 10 åra.

– Dei fleste låtane er på bergensdialekta mi, som etterkvart er ganske påverka av Os-målet. Men "Heim til Os" er meir gjennomført Os-mål, eg fekk god hjelp av Åsmund Lien til siste finpuss på teksten.

– Og eg har ikkje tatt lett på oppgåva. Vokalist Gina Aspenes åtvara meg, "du skal ikkje trø feil når du skriv song til Os", sa ho. Eg brukte sikkert eit halvt år på denne teksten, seier Ole Reinert Berg-Olsen etter gårsdagens urframføring før bokbadet i Oseana under WT Litteraturfestival.

VIDEO: Sjå Ole Reinert Berg-Olsen, akkompagnert av delar av Os Mannskor og Reidar Opdal frå ORBO & The Longshots på piano. (Foto: Kjetil Vasby Bruarøy)

Fleire saker