Lokal | 21. apr. 2020

Ord mot ord etter bil mot MC

Påkøyrsle bakfrå på Byvegen tysdag ettermiddag.

Ord mot ord etter bil mot MC
Politiet fekk ein prat med både bilførar og mc-førar, som begge var uskadd, men usamd om årsak. (Foto: KVB)
Kjetil Vasby Bruarøy
Kjetil Vasby Bruarøytirsdag 21. apr. 2020 13:21
  • Midtsiden har starta utsending av gratis nyheitsbrev på epost - meld deg på her

Tysdag klokka 14.20 rykte politiet ut på melding om samanstøyt mellom bil og motorsykkel på Byvegen nær Plantasjen.

Ein bil retning køyrde på ein motorsykkel bakfrå. Begge hadde retning Os, ingen av dei var på veg til å svinga av.

– Det er ingen personskade og ikkje mistanke om promille, seier politioverbetjent Atle Birkeland til Midtsiden.

– Partane har kvar si ulike forklaring på årsaka til samansøyten, legg han til.

Politiet vil ikkje oppretta sak. Om nokre av partane vil melda kvarandre, er uvisst.

– Ikkje tvil om kven sin feil det var

MC-førar seier han ikkje er i tvil om kven sin feil det var, og at han vurderer å melda episoden.

– Bilførar nekta å sleppa meg inn i ei ledig luke ved UnoX. Eg la meg inn bak, men køyrde forbi etter at vi var ute av rundkøyringa. Då la han seg etter meg, og brått kjente eg at han var borti bakhjulet.

Motorsykkelen velta ikkje, men førar svingte inn i grøfta og stoppa.

– Eg veit ikkje kvifor han køyrde i meg, men det er uansett bilførar sin feil. Eg har køyrd motorsykkel i over 30 år, og driv ikkje å bråbremsar i utide, seier MC-førar, som kontakta politiet.

Bilførar forklarte til politiet at motorsyklisten hadde køyrd aggressivt, og at han la seg inn så brått etter forbikøyringa at han ikkje rakk å bremsa. MC-førar nektar, og seier påkøyrsla skjedde over hundre meter etter at han la seg inn.

– Det er kvar sin versjon, ord mot ord, og førebels ingen vitner. Vi kjem ikkje til å oppretta sak, seier Birkeland.

Skiltet er bøyd og baklykta delvis knust. Om ramma viser seg å blitt skadd, kan kostnadane med reparasjon bli høge.

MC-førar ventar at bilførar tar på seg skylda og kostnadane, alternativt vil han melda episoden.

Bil og mc køyrde ut i grøfta mens dei venta på politiet. (Foto: KVB)
Bil og mc køyrde ut i grøfta mens dei venta på politiet. (Foto: KVB)

Spennande? Vil du ha ukas høgdepunkt i innboksen?

Les meir om

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.