Os Amcar på cruising 4. juli

I år blir det start og «målgang» i Hegglandsdalen.

I 2015 var dei til Lienfabrikken for å snu, i morgon startar dei her. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 03. juli 2020 13:29

Koronaprega 17. maifeiring sette ikkje Os Amcar Club ut av drift, i staden for fire bilar i hovudprosjesjonen, slik det har vore tidlegare år, blei det kortesje gjennom heile Osbygda med over 30 bilar.

I morgon er det amerikanarane sin nasjonaldag. Dei siste åra har Er-An Veikro markert dagen saman med amcarklubben, i år blir det annleis.

– Er-An Veikro har redusert kapasitet, så det blir ikkje start og stopp der, seier styremedlem i Os Amcar Club, Ståle Helland.

I staden blir det start ved Lienfabrikken i Hegglandsdalen, og retur til Hegglandsdalen etter rundt to timar med cruising rundt i bygda.

Det ligg an til at rundt 30 bilar deltar.

Middag på Øvreeide

– Etterpå skal vi samlast til privat arrangement på Øvreeide gard.

Klubben har 25-årsjubileum i år, men feiring av jubileet blir ført på julebordet. Laurdag blir det middag og stepelkasting etter cruisinga.

– Sjølve arrangementet er privat, men det er kjekt om vi ser folk langs vegane i morgon, seier Helland.

Her er reiseruta:

11.25 Start ved Lienfabrikken i Hegglandsdalen
11.35 Os sentrum
11.45 Lepsøykrysset
11.52 Gamlevegen til Haugland
11.57 Halhjem
12.04 Halhjemsmarka
12.14 tilbake til Lepsøykrysset
12.30 Øyane
12.44 Skeie
12.49 Ulven leir
13.02 Via Åsen over Langedalen
13.05 Hjellemarka
13.16 Os sentrum
13.20 Lyssand
13.33 Rød
13.40 Øvreeide gard

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.