Sport | 28. aug. 2019

Os Biljard & Snooker utvider i nytt lokale

Frå 300 til 500 kvm: Fekk det trongt etter vellykka ungdomssatsing.

Os Biljard & Snooker utvider i nytt lokale
Del av dugnadsteamet, f.v.: Frode Vikebø, Trond Eeg Nielsen og Reidar Rundsveen får ein travel haust med bygging av ny biljard- og snookersalong. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 28. aug. 2019 10:56

Bildeserie:

Klubben opna i nytt lokale bak Ulvenparken i 2015. (Foto: KVB)
Klubben opna i nytt lokale bak Ulvenparken i 2015. (Foto: KVB)
No bygger dei nytt lokale i denne delen. (Foto: KVB)
No bygger dei nytt lokale i denne delen. (Foto: KVB)
Etasjen (t.h.) er skilt av og gips på utside og innside er skrudd opp. (Foto: KVB)
Etasjen (t.h.) er skilt av og gips på utside og innside er skrudd opp. (Foto: KVB)
Aukar frå 9 til 14 bord med biljard og snooker. (Foto: KVB)
Aukar frå 9 til 14 bord med biljard og snooker. (Foto: KVB)
1 av 4
Klubben opna i nytt lokale bak Ulvenparken i 2015. (Foto: KVB)
No bygger dei nytt lokale i denne delen. (Foto: KVB)
Etasjen (t.h.) er skilt av og gips på utside og innside er skrudd opp. (Foto: KVB)
Aukar frå 9 til 14 bord med biljard og snooker. (Foto: KVB)

Os Biljard & Snookerklubb opna med fleire nye bord ny salong i Ulvenparken hausten 2015.

Bygda har ikkje berre fleire i noregstoppen i biljard og snooker, vi har truleg den biljardklubben med høgast dugnadsvilje i landet. No har den ivrige dugnadsgjengen fått nevane fulle nok ein gong.

– Vi har fått nytt lokale i Ulvenparken. Svært hyggelege huseigarar lar oss gjera mykje av jobben sjølv, seier Reidar Rundsveen.

Arbeidet starta førre helg og skal stå ferdig til februar. Då skal Os arrangera biljard-NM for damer.

Frå 9 til 14 bord

Klubben og dei tunge borda skal ikkje flytta langt, det nye lokalet er i andre etasje i hallen som i 2009 blei utvida.

Etasjen bygger klubben sjølv i det som tidlegare var ein industrihall med full takhøgde.

– Vi går frå 300 kvadratmeter på 1,5 plan til 500 kvadratmeter på eitt plan.

Kiosk og salong blir del av entreen, resten blir éin stor hall med fleire bord enn før, men med skiljevegg mellom snooker og biljard.

Biljard skal utvida frå 4 til 6 bord, dei 2 nye er allereie bestilt. Klubben har òg ambisjon om å utvida frå 5 til 8 bord.

– Då blir vi, saman med Stord, einaste i Noreg som har 8 snookerbord.

Noregs eldste riggar seg for framtida

Dei erfarne biljard- og snookerspelarane, som i desse dagar bruker armane sine på grovmotorikk, påstår at dei ikkje murar og snekrar for sin eigen del.

– Vi ønskjer å legga til rette for komande generasjon biljard- og snookerspelarar. Med gode treningsforhold kan Os halda fram med å hevda seg i noregstoppen, i tillegg får Osbygda ein god arena for ungdom.

Klubben var 25 år gamal i 2009 og er Noregs eldste. Aktive spelarar har halde liv i tilbodet etter at Hans Olav Sundøy i 2012 la ned sportsbaren.

– Vi har hatt fire gode år her i Ulvenparken, og ungdomssatsinga vi starta i vinter har vore vellykka. Dei mange som speler fast er årsaka til at vi utvidar.

I dag er det trening 5-6 dagar i veka. Medlemmane låser seg inn sjølv. Tilsvarande ordning held fram med nytt låssystem i nytt lokale, då kanskje òg med betjent opningstid og mogleg for drop in.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.