Sport | 24. sep. 2018

Os er éin siger frå opprykk

Lyngbø tapte i går. Med siger på laurdag blir det både honnør og high five på Kuventræ.

Os er éin siger frå opprykk
Øystein Takle Eide og Christoffer Hafsås med kombifeiring etter ei av sju skåringar heime mot Valestrand-Hjellvik i juni. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 24. sep. 2018 17:22

– Det er 20 prosent sjanse for opprykk, sa Karl Kvile i vinter.

Så leia han Os til sesongens til no einaste tap, borte for Fyllingsdalen 2 (3-2) i serieopninga.

Tim Henrik Sperrevik overtok og Os står med 16 sigrar og 1 uavgjort etter dei siste 17 kampane.

Må vinna 1 av dei 4 siste

Os vann ein slitekamp borte mot Austevoll laurdag.

Søndag spelte tabelltoar Lyngbø mot tabelltrear og Os sin neste motstandar, Sandviken. Sandviken, som no er 13 poeng bak Os, vann 5-3.

Dermed er Os 10 poeng framfor Lyngbø, det einaste laget som i teorien trugar årets opprykk og raskaste mogleg comeback i 2. divisjon.

Tabell (fotball.no)

Det er 4 kampar igjen. Os treng maksimalt 3 poeng til.

Kan avgjera på heimebane laurdag

Os har Telavåg borte (9. plass av 12 lag), Frøya (5. plass) og botnlaget Valestrand Hjellevik (borte) igjen.

Men først; Sandviken på heimebane førstkomande laurdag (frå kl 15).

Os førebur seg på fest, og har invitert samarbeidspartnarar og leiinga i naboklubbane til samling før kamp, i klubbhuset (som i opprykks-rus er omdøypt til VIP-rommet), for lett servering og nokre ord frå trenar Sperrevik, styreleiar Rykkel og sportsleg leiar Skeie.

På veg til trippel-opprykk

Os sitt damelag, som etter siger på overtid i går er eitt poeng frå opprykk, kan avgjera allereie i bortekamp torsdag. Etter denne kampen har dei to rundar til å avgjera det på.

Damene skal bli hylla i pausen i kampen laurdag.

Os 2, som ligg på 2. plass (Som er godt nok til opprykk) vann 4-3 på heimebane laurdag. Søndag spelte Voss, som ligg på 3. plass, uavgjort.

Os 2 har no ei luke på 8 poeng, men éin kamp meir spelt, ned til Voss. Det er 12 poeng (15 for Voss) igjen å spela om.

Med siger borte over Minde komande søndag kan Os 2 avgjera opprykket heime mot nettopp Voss søndag 7. oktober (kl 14).

Tabell (fotball.no)

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.