Os er kledd i kvitt
Fin fredag for ungane: Skulane har planleggingsdag, isen er trygg og i natt kom 15 centimeter med tørr snø.
Bildeserie:
Etter ei veke med kulde og opphaldsvêr kom det torsdag kveld og natt til fredag eit kraftig påfyll med snø i Os.
Skulane i Os har planleggingsdag i dag og ungane som har fri kan sjå fram til ein dag med cirka 15 centimeter snø å kosa seg i, i lite vind og fire minusgradar.
Det er ikkje venta særleg meir nedbør i dag, berre nokre få fnugg fram til klokka 14.
Sol og meir vind
Vêret skal halda seg stabilt utover laurdagen, men med solgløtt midt på dagen.
Vindstyrken skal auka frå 5 m/s fredag til 8 m/s midt på dagen laurdag og vidare opp til 12 m/s laurdag ut på dagen.
Også søndag blir det ein del vind, rundt 13 m/s, men temperaturen skal halda seg rett under frysepunktet fram til kvelden, då det er venta varmare vêr og litt nedbør i form av snø eller sludd.
Regn måndag
Måndag er det meldt 6 gradar og 9 mm nedbør.
Det skal koma litt nedbør også utover i veka, men stort sett blir det opphaldsvêr og 2 til 4 varmegradar.
Neste torsdag og fredag ligg det an til å koma snø igjen.