Os Fotball med ny status

Kvalitetsklubb med fin feiring på Kuventræ.

Heggland, Brenne, Arntzen, Gjelsvik og Berge framfor nytt banner. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 16. okt. 2020 18:56

Bildeserie:

Styremedlem Marita fekk blomar av styreleiar Leiv Gunnar. (Foto: KVB)
Kuventræ rigga for feiring. (Foto: KVB)
Landslagsaktuelle Nora B. Nøss var blant dei som sjekka inn. (Foto: KVB)
Grillsjef Rune Mo var godt førebudd. (Foto: KVB)
Gamle klassekameratar; Vidar Bahus og Trine Lindborg. (Foto: KVB)
Kvalitet i marsipan. (Foto: KVB)
Med på festen; Mathias Aadland, Tormod Igland Lund og Jakob Solskjær. (Foto: KVB)
Brenne ønskte velkomen. (Foto: KVB)
Styremedlem Marita fekk blomar av styreleiar Leiv Gunnar. (Foto: KVB)
Kuventræ rigga for feiring. (Foto: KVB)
1 av 8
Kuventræ rigga for feiring. (Foto: KVB)
Landslagsaktuelle Nora B. Nøss var blant dei som sjekka inn. (Foto: KVB)
Grillsjef Rune Mo var godt førebudd. (Foto: KVB)
Gamle klassekameratar; Vidar Bahus og Trine Lindborg. (Foto: KVB)
Kvalitet i marsipan. (Foto: KVB)
Med på festen; Mathias Aadland, Tormod Igland Lund og Jakob Solskjær. (Foto: KVB)
Brenne ønskte velkomen. (Foto: KVB)
Styremedlem Marita fekk blomar av styreleiar Leiv Gunnar. (Foto: KVB)

Os Fotball har, som 25. klubb av rundt 200 i Hordland fotballkrets, fått status som Kvalitetsklubb.

Avdelinga av Os Turnforening inviterte medlemmar på grilling i strålande sol, og fekk godt besøk i ettermiddag.

Rosa servitørar, f.v.: Henriette Bakke, Lenea Karstad, Sara Kvangarsnes, Erle Bøe Lunde og Katrine Vaktdal. (Foto: Kjetil Vasby Bruarøy)

Dagleg leiar i NFF Hordaland, Knut Berge, og styreleiar Tore-Christian Gjelsvik, kom til Kuventræ med diplom.

– Fleire av dei store klubbane i kretsen har gjennomført. Os er første i Bjørnafjorden kommune, og dei framstår som ein robust klubb med godt verdigrunnlag

– Nore Neset er blant dei 12 som held på å kvalifisera seg, fortel Berge og Gjelsvik.

– Per i dag er rundt 40 prosent av medlemmane våre organisert i Kvalitetsklubb - når dei neste 12 er inne er vi oppe i 60 prosent.

Sett i system

– Det gjekk unna, hadde det ikkje vore for korona hadde vi hatt dette klart før sommaren. Eg trur vi har sett verdsrekord i Noreg, seier ein lattermild styreleiar i Os Fotball, Leiv Gunnar Heggland.

Han og dagleg leiar Endre Brenne takkar styremedlem Marita Arentzen for jobben med å skaffa klubben kvalitetsstempelet.

– Eg var heldig, det meste var på stell. Men det var ein del jobb med å setja det i system og senda inn dokumentasjon. Frå presisering av enkelte punkt i sportsplanen til utarbeiding av klubbhandbok, seier Marita.

Marita og Elisabeth Nedrelid med spesialkake frå Hagavik Hjemmebakeri. (Foto: KVB)

Mykje av målet med å få klubba inn i kvalitetskategorien handlar om dokumentasjon - at neste person med verv enkelt skal kunna ta over.

– Akkurat dette har nok vore det største problemet i mange klubbar. Enkeltpersonar har gjort uvurderleg innsats, men den dagen dei har gitt seg har det vore vanskeleg for andre å ta over, seier veteran og tidlegare Brann-keeper Vidar Bahus.

Han fekk ein prat med tidlegare klassekamerat gjennom barneskule og ungdomsskule, ordførar Trine Lindborg (Ap), som òg var blant gjestane.

– Eg er glad for arbeidt som blir gjort ute i idrettslaga, og for at dei sørgjer for kvalitetsløft som dette. Det er nok til inspirasjon for andre, seier Lindborg.

Bildeserien under er synleg for pålogga abonnentar:

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.