Sport | 28. apr. 2019

Os har fått 400 stolar frå Ullevaal Stadion

No blir det betre komfort på tribunen på Kuventræ.

Os har fått 400 stolar frå Ullevaal Stadion
Karsten Røttingen med ein av dei 400 stolane han og John Ole har henta på Ullevaal. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 28. apr. 2019 07:55

Bildeserie:

Lastebilen kunne ryggast heil inn til banen.
Lastebilen kunne ryggast heil inn til banen.
Så var det berre til å byrja å plukka.
Så var det berre til å byrja å plukka.
Klappet og klart for heimreise.
Klappet og klart for heimreise.
I alt er det 2000 stolar som skal skiftast.
I alt er det 2000 stolar som skal skiftast.
No skal Os Fotball sortera og montera.
No skal Os Fotball sortera og montera.
1 av 5
Lastebilen kunne ryggast heil inn til banen.
Så var det berre til å byrja å plukka.
Klappet og klart for heimreise.
I alt er det 2000 stolar som skal skiftast.
No skal Os Fotball sortera og montera.

– Ullevaal skal skifta ut 2000 stolar, og ville gi vekk dei gamle. Invitasjon blei sendt til Eat Move Sleep-klubbane, og eg var rask med å svara, fortel dagleg leiar Endre Brenne.

Karsten Røttingen og John Ole Johannessen, som er blant dei mest nevenyttige i Os Fotball sin dugnadsstyrke, var raske med å følgja opp. I 3-tida om natta sette dei seg i ein lastebil dei fekk låna av Sport Norge, fredag kveld kom dei heim med stolane.

Dei to har nyleg bygd ny pressebu på tribunen, no blir det auka komfort også for publikum.

– Viktig å møta raskt

– Vi fekk ein fin tur, og det var avgjerande å møta opp innan frist, fortel Karsten.

– Det var stor rift om stolane og ei rekkje klubbar sto på venteliste, i tilfelle nokre av dei som hadde reservert stolar ikkje dukka opp. Fleire av dei som var på venteliste hadde møtt opp på Ullevaal og sto og håpa.

Karsten og John Ole var raske med å få stolane i bilen, men tok seg elles god tid på Ullevaal.

– Vi fekk omvising og vi fekk prata med fem av dei sju som jobbar på golvet på den nasjonale arenaen. Vi fekk ei hyggeleg og interessant stund utanom sjølve dugnadsoppdraget, seier Karsten.

Verdt cirka 250.000 kroner

Alle stolane er blå. Dei er noko falma, men i elles god stand.

– Nye stolar kostar rundt 500-600 kroner, altså 200.000-240.000 kroner for 400, så vi har vore heldige, seier Brenne.

– Blir heile dagens tribune fylt med stolar?

– For å vera ærleg så veit eg ikkje. Eg var opptatt av å vera rask med å slå til på tilbudet, så eg tok det på magekjensla. Eg rekna med at eg ikkje kunne be om å få alle 2000, så då ba eg om 400.

No skal utstyret sorterast og montering planleggast. Så kan det koma ein dugnad der fleire enn Karsten og John Ole blir invitert, så foreldra til medlemmane i klubben kan kanskje setja skrumaskina på lading.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.