Kampsport | 02. mars 2023

Os Karateklubb fekk film i 40-årsgåve

– Eit fantastisk resultat frå ein spennande ståstad.

Kjetil Vasby Bruarøy
Kjetil Vasby Bruarøytorsdag 02. mars 2023 08:29

I februar har Os Karateklubb, over to helger, feira at det er 40 år sidan start.

Både på festen for vaksne og, helga etter, for ungdom og barn, var det premiere på ein video som presenterer karakteklubben.

I ruta over ser du kortversjonen på 20 sekund, i ruta under ser du heile den 4 minutt lange videoen.

– Dette var ei fin og spesiell gåve, synest formann Vidar Mjånes og hovudinstruktør Cato Bruarøy.

Filmen er laga av ein far som har vore nøgd med å ha ungane sine i klubben. Faren er Anders Fløysand, innehavar av Varde Film.

– «Eg har ikkje tid til særleg dugnad, men eg kan laga film», sa Anders. Å få noko vi aldri ville tatt oss råd til, var veldig stas, synest Bruarøy.

Fløysand var imponert over disiplinen og respekten utøvarane imellom, og ville laga ein film som illustrerer korleis han ser på karatetreninga frå utsida.

– Det blei eit veldig fint resultat, med både kata, kamp og knusing - men også ein illustrasjon av stemning frå treningskvardagen, med respekt for kvarandre. Det synest eg var veldig fint, seier Mjånes.

Fløysand fekk låna eit av dei større bygga i bygda, som tidlegare har vore brukt til blant anna å laga musikkvideoar, og fekk klubben til å køyra mattene til Ådnadalen ei helg.

Resultatet ser du i ei to videosnuttane over.

Og, ja, Fløysand beit på sin eigen reklmaevideo, følgde i ungane sine fotspor og byrja å trena karate han òg.

Spennande? Vil du ha ukas høgdepunkt i innboksen?

Les meir om

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.