Os sin nye 3600 kvm store fjellhall

Bildeserie:

1 av 7

Os hovudavlaupsreinseanlegg, OHARA, er det største «byggeprosjektet» i Os kommune nokosinne.

Sjølve reinseanlegget blir liggande i ein hall på 180 x 20 meter i fjellet under Moberg, og hallen er nesten ferdig.

– Lengda og breidda er der, no skal nivået seinkast noko i midtpartiet, fortel prosjektleiar i Os kommune, Johannes Håkonsund.

Midtsiden var i dag og såg nærmare på den 150 meter lange sjakta, som no blir drilla frå nordsida av Liafjellet ned til reinseanlegget.

• Les òg: Har du sett lyset?

Nesten ferdig med 1600 meter med tunnel

Frå Moberg går turen ned til «reinsehallen» i ein 700 meter lang tunell.

Frå Tellevika, nesten ved havnivå, er det drive ein 900 meter lang tunell opp til den same fjellhallen.

– Då dei møtte dårleg fjell på slutten av tunellen veksla vi om og starta drivinga frå reinsehallen og ned, fortel formann Dag Nessæther frå Veidekke.

No står berre 15-16 meter fjell igjen før også tunellen til Tellevika er open.

1 til 2 salvar for dagen

Klokka 7 om morgonane smell det i fjellet under Moberg. Så går lastebilane i skytteltrafikk for å henta ut steinen.

– Målet er to salvar for dagen, men det spørs korleis fjellet er. Når vi har fått vekk massane, som blir dumpa i Greidalen, er det pigging av fjell og sprøyting av betong før klargjering av neste salve, forklarer Nessæther.

• Les òg: Blir nytt bustadområde i strandsona

Det ligg an til at siste salve i OHARA-prosjektet blir skoten i midten av januar 2017.