I går dukka denne nissen opp i ein hage langs Strønevegen. (Lesarbilde, foto: Vilde Røttingen)

Os' største nisse?

– Planen er å ha den ståande til over nyttår, seier Svein Ivar Taule.

image
image
Av: Kjetil Vasby Bruarøy

Laurdag blei det som kanskje er Os' største nisse plassert i hagen til familien Taule.

– Den blåste seg opp på ti minutt, men det tok to timar å få på plass alle fester, fortel Svein Ivar Taule.

Integrert pumpe er skjerma for vatn og nissen er festa både i toppen og i beltehøgde.

– Nissen fekk mykje merksemd mens vi styrte på. Folk stoppa langs vegen og tok bilde, andre tuta mens dei køyrde forbi.

7,5 meter høg

Den store nissen er 7,5 meter høg og står i hagen langs Strønevegen, nær Hovland Panorama og avkøyrsle til Kyshospitalet.

– Eg fekk han av svigerinna mi, som driv Europris-butikk på Midtun. Eg hadde hjelpt ho med å montera nokre julelys på butikken då ho spurde om eg ville ha denne som takk for hjelpa, fortel Svein Ivar og ler.

No er han spent på om nissen står imot vêr og vind gjennom jula.

– Målet er å ha den ståande til rett over nyttår. Det er meldt litt vind på kvelden julaftan og første juledag. Kjem den seg gjennom desse dagane er vel sjansen stor.

Nissen står og ruvar berre nokre hundre meter frå ein annan «attraksjon»: Har du sett kvalen i Hagavik?

Fleire saker