Os Turlag tar imot Villmarksbarna
Det blir både bål, lassokasting og foredrag når familien frå den prisvinnande TV-serien laurdag besøker Os.
– Vi håper det kan vera ein serie som ikkje berre fenger ungane, men som òg inspirerer dei vaksne til å ta ungane med på tur, sa Inger Wallem Anundsen til Midtsiden nokre timar før premieren 10. oktober 2013.
Inger frå Os bur i Alta og har saman med familien gjort stor TV-suksess, vunne fleire prisar og blitt kåra til beste familieprogram.
Les meir om Villmarksbarna på NRK.no.
Eldstedotter Guro er òg med i serien «Eventyrjenter», som hadde premiere i september.
Lager villmarksdag i Oseana
Det er Os Turlag som no har invitert Villmarksbarna-familien til Os.
Laurdag ettermiddag arrangerer turlaget ein villmarksdag med både action, foredrag og møte med familien frå Alta.
– Vi kjem til å rigga oss opp ein time før foredraget med lavvo, bålpanne, lasso og stand, så familiar kan sjå litt korleis vi har det når vi er ute i lag, seier Jorunn Nytræ frå Os Turlag.
Foredrag, film og bildeframvising
I Oseana blir det framsyning og foredrag frå klokka 18, forteljingar, bilde og filmklipp frå ulike turar og aktivitetar, alt frå opplevingar i nærområdet rundt Alta til langturar i Alaska si villmark.
Etter foredraget blir det òg mogleg å slå av ein turprat med familien.
– Billettane er det vi i turlaget som sel, ikkje Oseana. Men vi kjem til å vera i Oseana halvannan time onsdag og torsdag for å selja billettar, fortel Jorunn.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.