Os utan straum

Det har vore fleire straumbrot i Os i formiddag. Årsaka er kabelfeil. (OPPDATERT)

Kjetil Vasby Bruarøyonsdag 09. feb. 2011 11:06

Onsdag i 11-tida gjekk straumen fleire plassar i Os. Ifølgje BKK er det registrert brot i Varåsen og i Gymnasvegen, men straumen har også gått i Industrivegen og i Os sentrum.

- Vi har ein feil på nettet og feilsøking pågår. Førebels veit vi ikkje kva årsaka er, sa Anne Mette Tuvin hos BKK til Midtsiden.no i 12-tida.

I Industrivegen kom straumen tilbake igjen rundt klokka 11.20, for så å gå igjen klokka 11.30. Rundt 11.45 var den tilbake.

Os sentrum fekk ikkje det same comebacket og i 12-tida var straumen framleis vekke i Varåsen.

OPPDATERT:

- Vi har lokalisert feilen, som er ein kabelfeil i Varåsen. Det skal ikkje vera snakk om fysisk brot som følgje av arbeid eller likande, seier Tuvin.

Det blir no sett opp aggregat i Varåsen for å forsyna bustadane i området med straum medan arbeidet med å retta feilen pågår.