Os vann 9-0!
Os har halde fleire gode spelarar igjen til den viktige Os 2-kampen i morgon, men tok likevel ein overbevisande siger med A-laget over Sandnes Ulf 2 i kveld.
Bildeserie:
"Vi vil avslutta sesongen med stil" sa Os-trenar Tim Henrik Sperrevik før dagens kamp mot Sandnes Ulf 2.
Og så skåra Os like mange mål som dei har gjort på dei 6 siste kampane til saman - mot laget som låg éin plass over dei på tabellen!
Os - Sandnes Ulf 2 9-0 (4-0)
Målskårarar: Stian Lunde 3, Ramo Racic 2, Tor Erik Kjosås Berge, Erik Kanestrøm, Fredrik Heggland og Egil Thuen.
Gult kort, Os: Håkon Kvittingen
Os: Anders Kloven - Espen Kopperud (h.b.), Torkel Hjertnes, Per Søgnen Merai, Tor Erik Berge (v.b.) - Stian Lunde, Håkon Kvittingen - Christer Olsen (h.k.), Aleksander Nilsen (v.k.), Erik Kanestrøm og Ramo Racic.
Innbytarar med speletid: Fredrik Heggland, Egil Thuen og Kjetil Hansen.
SJÅ TABELL (Os gjekk frå 5. til 4. plass med dagens siger)
Kapteinen viste veg
I dagen kamp var det Stian Lunde som opna ballet med 1-0-skåring i 9. minutt. 2-0 kom ved Tor Erik Berge i 29. minutt før kaptein Lunde auka til 3-0 fire minutt etterpå.
Erik Kanestrøm sørgja for 4-0 seks minutt før pause.
Egil Thuen sendte til Fredrik Heggland som auka til 5-0 i 62. minutt. 10 minutt etterpå auka Ramo Racic til 6-0 og 7-0 (72. og 79.), først på retur etter eit raid og skot av Torkel Hjertnes, så etter at Heggland hadde nikka eit innlegg inn i boksen.
Stian Lunde skåra sitt tredje då han auka til 8-0 tre minutt før full tid, Egil Thuen la på til utrulege 9-0 etter eit soloraid på overtid.
– Stiller like sterkt i morgon
– Vi hadde venta at det skulle bli tøft når vi stilte med juniorar og gutespelarar mot eit lag som Os, men det er aldri kjekt å tapa 9-0, seier Sandnes Ulf-trenar Richard Enge på veg til ein svært labg busstur heim.
– Dette var det same unge laget som slo serieleiar Arna-Bjørnar 2-1 i vår. Eg er veldig nøgd med måten vi speler på i dag, seier Sperrevik.
– Og vi stiller med eit like godt lag i morgon, legg han til om den viktige bortekampen mot NHH 2 for Os 2 tysdag.
Os 2 må truleg vinna både denne kampen og dei to neste, som går mot to botnlag (Lyngbø 2 og Søre Neset), om dei skal rykka opp igjen til 4. divisjon.
Spelarar som Simen Lassen, Tore Valvik, Preben Borgen, Fredrik Heggland, Egil Thuen og Håvard Grøteide er klare frå start for Os 2 tysdag.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.