Os vann Lerum Cup!
Lysekloster G14 gjekk til finalen i B-sluttspelet, Os J14 tok ein overbevisande siger i semifinalen, mens A-finalen blei meir spennande.
Kjetil Vasby Bruarøy
14 lag frå Osbygda deltok i Lerum Cup i Sogndal i helga.
Søndag var det semifinalar og finalar for dei eldste klassane. 6 av laga frå Os, Søfteland og Lysekloster er i ungdomsklassen, 4 av desse kom i A-sluttspelet, 2 i B-sluttspel.
I dag var det to lag som spelte semifinalar.
Lysekloster G14 vann semifinalen i B-sluttspelet 3-2 over Ådal. I finalen blei det 2-3-tap for Volda.
Jentene til topps
Os jenter 14, som har gjort reint bord med to lag som Nore Neset/Os i serien, vann også alt i Sogndal.
– Jentene har vore veldig flinke til å vera på hugget frå start. Det er i grunnen kvartfinalen og semifinalen dei har imponert meg mest, vi gjekk rett ut og drepte kampen tidleg, det sto 1-0 allereie etter 3-4 sekund, fortel trenar Arve Sennesvik.
Os slo NBK 3-0. I finalen venta Gol.
Finalen blei nærmast gjørmebryting på våt grasbane. Gol tok leiinga, men Os utlikna til pause. 1-1 sto seg kampen ut, men Os var suverene i talet på cornerar, som blei avgjerande.
Stor stall og lite slitasje
– Vi hadde med oss 17 jenter, så vi har unngått både slitasje og skadar på jentene.
– Gol hadde ein del skadar og berre 9 spelarar igjen. Vi gjorde ein avtale om at eg fekk bruka alle 17, men at eg ville spela med 8 om han fekk skade i troppen. Dermed fekk alle våre 17 spela finalen.
Starta og avslutta med siger
Sennesvik har vore med på å vinna Lerum Cup før.
– Det var med gutane fødd i 1999, men den gong hadde eg hovudansvar for andrelaget.
– Dette er siste året eg er oppover til Sogndal, denne gong vann eg med mitt eige lag, og det var veldig kjekt! synest trenaren.