Anna Johansen fekk synga «Bare så du vett det» med Kjartan Salvesen. Det same fekk Tonje, i bakgrunnen, i sitt eige utdrikkingslag. (Foto: Kjetil Vasby Bruarøy)

Osfest: Ei auke frå i fjor

Bildeserie: Tunge regnbyger fredag ettermiddagen skremte ikkje folk ut av feststemning.

image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

I går starta Osfest, og fredag var dagen det på førehand var selt flest billettar til. Vêrmeldingane for fredagen hadde òg blitt betre, med lågare vindstyrke og opphaldsvêr frå festivalstart.

Det blei som meldt, men billettsal i døra utgjer ein viktig andel av totalen, og ruskevêret fredag ettermiddag gjorde det spennande for festivalleiinga å stå og høyra på dei to første artistane, og speida med lange blikk nedover Landboden for å sjå om det kom påfyll av publikum.

Og det gjorde det. Som i fjor.

• Les òg: Sånn endra Osfest seg på éin time

I dag er det langt betre vêrmeldingar, lettskya, sol, 15 gradar og lite vind frå formiddag til og gjennom natta (og fram til og med tysdag).

Folkevandring klokka 21

– Vi passerte 1200 no i stad, sa festivalsjef Tor Egil Hylland etter at Stavangerkameratene hadde gått på scenen.

I 2017 var det 750-800 publikum fredag og 1.600 laurdag.

– Dei første åra fekk vi ikkje folk til området før i 22-23-tida. Eg skulle gjerne ønskt meg at dei som speler først, i 19-20-tida, hadde litt større publikum, men trur vi skal vera glade for at vi har så mange på plass klokka 21.

Madcon, som byrja å spela klokka 22.30, hadde endå fleire å spela for, mens då Ammunition kom på scenen klokka 00.20 hadde ein del byrja å trekka ned mot Os sentrum.

Flørta med publikum

18.40: Violent Gin (Charlotte Marlen Midtun, Øyvind Flatekval, Ole Christian Tøsse og Simon Flatekval) blei starta i fjor. Låten «Would I lie» blei kåra til årets beste rockelåt i 2017, og bandet leverte ein frisk start frå den store scenen på årets Osfest.

– Dette er kanskje det einaste spennande bandet i kveld, sa musikkmeldar Einar «Engel» Engelstad frå BT til Midtsiden før festivalstart, men synest òg at neste band leverte sterkt.

19.30: Majorleap (Bård Leite, Kjetil Hekland, Dag-Erlend Torp, Martin Borge, Lars Inge Torp og Christian Øverland) var eitt år gamalt band i fjor, og var den gong først ut. Dei var fullstendig uprega av at det var lite publikum, og fekk i år spela litt seinare, for litt meir folk, og litt lengre. På stødig vis skapte dei god stemning hos dei første 100-200 gjestane.

– Det er så nydeleg å vera her oppe, hadde ungane mine vore vaksne så hadde eg hatt lyst å flytta til Os, sa publikum Bente Sveen frå Bergen, på Osfest saman med kjærasten Stig Fjeldsbø frå Os. Dei tok seg ein sving etter pausemusikken og gledde seg stort til nesten band.

21.00: Stavangerkameratene (Kjartan Salvesen, Tommy Fredvang, Glenn Lyse og Ole Alexander Mæland) var eit tydeleg trekkplaster, strategien med å setja desse på plakaten til dette tidspunktet slo an, det same gjorde musikken. Dei opna med sin norske versjon av Avicci sin monsterhit «Vekk meg opp», og publikum, som kom rett frå vorspiel, var med på notane. Dei fire kameratane frå Stavanger hadde godt grep om publikum, og avslutta med sin eigen store hit, «Bare så du vett det» med Kjartan Salvesen nede blant publikum, der både gifteklare Tonje (på utdrikkingslag) og den vesle jenta Anna fekk synga i mikrofonen.

22.30: Madcon (Tshawe Baqwa og Yosef Wolde-Mariam) gjekk ut i eit forrykande tempo til eit publikum som hadde vakse endå litt i mengde var klar for endå meir fart! Etter 26 år har dei eit stort repertoar å ta av, men supplerte med eigne versjonar av andre kjente låtar, som Gipsy Kings «Volare», godt akkompagnert av danse- og korgruppa dei hadde med seg. Runda av med «Don' Worry» klokka 23.46.

00.20: Ammunition (Åge Sten Nilsen, Erik Mårtensson, Victor Cito, Jon Pettersen, Magnus Ulfstedt, Lasse Finbråthen). Om publikum var utmatta av nesten halvannan time med Madcon, våt av byga som kom presis til midnatt eller tørst på sterkare saker enn øl og vin, veit vi ikkje - men Ammunition fekk noko førre å spela for enn dei to forgjengarane. Men det var heller ikkje alle som kjente godt til Ammunition frå før, eller hadde fått med seg at dette er Åge Sten Nilsen, kjent frå WigWam, sitt nye band. Dette sjølv om Ammunition kom på 2. plass i Grand Prix i 2017 med låten «Wrecking Crew». Ammunition hadde likevel tett med folk inntil scenekanten og heldt det gåande til dei runda av med nettopp WigWam-låten «In my dreams» klokka 01.30.

Vi trur Eirik Strønen Søfteland, som får pyro til showet sitt, kan få eit endå større publikum når han rundar av Osfest i natt. Eirik går på scenen klokka 00.30.

Dette er rekkefølgja laurdag:
17.30 Vanja V
18.30: Endre Nordvik
19.45: Tone Damli
21.00 Morten Abel
23.00 Staut
00.30 Eirik Søfteland

• Kven er dei og kva har dei gjort på den siste tida? Les kompaktversjon her.

• Midtsiden samelside: Alle sakene våre om Osfest

Fleire saker