Osing med 6 rette i Viking Lotto

– Eg veit ikkje kva eg skal seia. Kødder du med meg? var vinnaren sin reaksjon då Norsk Tipping slo på tråden onsdag kveld.

Osingen, ein mann i 30-åra, hadde alle desse tala på kupongen:

13-14-15-18-23-48

Han blei med det 7.819.680 kroner rikare.

Familiefar

På spørsmål om kva han vil bruka pengane på, svarer han at han er familiefar og at han kan lova at pengane kjem godt med.

– Men eg trur framleis ikkje på deg, sa mannen, før han la på for å sjekka på nett om han faktisk hadde vunne.

Stor pott også neste veke

I tillegg til osingen er det ein spelar i Danmark som kan jubla over same gevinst.

Kveldens lykketal var 32, og det blei ikkje trekt ut. I så fall ville førstepremien blitt på 92 millionar kroner.

Potten neste onsdag er blir på 88 millionar kroner.