Osing vann i SuperLotto

På sankhans var det trekning i SuperLotto, der 34 tipparar blei trekte ut til å vinna éin million kroner kvar.

Tre av vinnarane er frå Hordaland, blant dei ei kvinne frå Os.

– Tullar du? No griner eg her, sa Helene Nydal Amundsen (42) til Norsk Tipping då dei ringte laurdag kveld.

Ho fortalde vidare at ho i neste veke skal på vising, og at ein million ekstra kroner passar ho og familien perfekt.

Dermed er det minst éin bodrunde i Os som kan koma til å gå eit stykke ekstra i veka som kjem.

Kupongen var levert via mobiltelefon i slutten av mars.