Bildeserie:
Torsdag reiste russen til Stavanger for å delta på treff i Kongeparken.
Osrussen fekk ingen varm velkomst.
– Vi var i Sandnes då det skjedde, vi gjekk langs vegen då nokre lokale bussar kjørte forbi og kasta egg på oss, fortel russejentene frå Os.
Då dei kom tilbake til bilen var den full av mjøl og egg.
I tillegg var den ripa opp i lakken.
– Ein annan russebil frå Os har også fått gjennomgå med liknande behandling.
Kontakta politiet
Osrussen har mistanke om kven som har utført hærverket, og på gruppa deira på facebook er det fleire bilde av andre russebilar som er dekt av mjøl.
– Vi er overraska over at dei synest dette er kjekt. Det virker nesten som om det er vanleg her.
Det har førebels ikkje vore nokon konfrontasjon mellom Osrussen og andre. Men dei har varsla politiet om saka.
– Utanom eggkasting og hærverk har vi det fint. Vi var på konsert i går og skal på ny konsert i dag, fortel Happy Hour-gjengen fredag kveld.