Over 50 isolasjonsplater skadd av hærverk

Os Idrettspark har fått tips, og ber syndarane melda seg.

Minst 50 takplater i parkeringskjellaren på Kuventræ har skade. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 07. mai 2020 14:38

Fleire isolasjonsplater i taket på garasjeanlegget til Os Idrettspark og Osbadet er skadd.

– Vi fekk tips om dette tysdag. Det skal ha skjedd litt tidleg på kvelden, fortel dagleg leiar Torbjørg Brattabø.

Ifølgje meldar kasta dei steinar og sparkesyklar i taket.

Minst 50 takplater er skadde, minst fire steinar heng framleis igjen i taket, og kan skada bilar om dei lausnar og ramlar ned.

Steinane må ned og takplatene må skiftast etter hærverk i garasjeanlegget. (Foto: KVB)

Får frist til i kveld

Leiinga i Os Idrettspark har fått detaljert tips, og reknar med dei finn ut kven som står bak.

– Tre personar i ein ungdomsgjeng på fem-seks personar skal ha vore aktive. Dei har kanskje blitt rastuase av to månadar med heimeskule, og dei angrar sikkert i dag. Om desse melder seg i kveld, og kjem for å rydda og kosta, så melder vi ikkje forholdet til politiet i morgon.

Brattabø veit ikkje kva prisen kjem på, for å erstatta takplatene, men seier dei har nokre i reserve og bestiller inn fleire nye.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.