– Overraskande mange seier dei har eigen båt

Elevar lærde sjøvett på land.

Torstein og Nemine frå Redningsselskapet gav lærdom til 48 elevar frå Os i dag. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 28. mai 2020 13:55

Bildeserie:

Samling med fasit og spørsmål til slutt.
Samling på Kyrkjeflaten med 24 + 24 elevar.
Kva er lurt å ha med når du skal på tur?
– Vi treng nokre lagleiarar.
Effektiv avgjerd.
Ut og leita etter åtte postar.
Samling med fasit og spørsmål til slutt.
Samling på Kyrkjeflaten med 24 + 24 elevar.
1 av 6
Samling på Kyrkjeflaten med 24 + 24 elevar.
Kva er lurt å ha med når du skal på tur?
– Vi treng nokre lagleiarar.
Effektiv avgjerd.
Ut og leita etter åtte postar.
Samling med fasit og spørsmål til slutt.

Redningsselskapet besøker i desse dagar skuleelevar som del av ein ny kampanje.

– Vi prøver å besøka så mange skular som mogleg, og er glade for at Os barneskule ville ta imot oss, seier Torstein Enger frå Redningsselskapet.

Saman med kollega Nemine Iversen instruerte han i dag to grupper elevar frå 5. trinn.

– Bjørnafjorden er ein kommune med lang kyststripe. Omtrent halvparten av dei unge elevane i første gruppe fortel at dei har eigen båt. Det fortel meg at det er ei god målgruppe.

– Samtidig handlar dette òg om å vera observant frå land, om ungane for eksempel badar frå ei brygge.

Dei som held på å drukna er som oftast heilt stille

Start og avslutting på økta med Redningsselskapet var i form av foredrag og forteljing, spørsmål og svar, i samla gruppe.

– Målet med kampanjen er at ingen skal drukna. Vi vil læra ungane både å vera observante, å melda ifrå og å bruka livbøye. Mange trur at dei som held på å drukna eller har vanskar i sjøen ligg og roper. Men som oftast er dei heilt stille.

Kampanjen rettar seg mot heile grunnskulen.

– Vi tilpassar spørsmål og oppgåver etter alder.

Elevane var flinke til både å lytta og spørja. (Foto: Kjetil Vasby Bruarøy)

– Kan du ringa 120?

Møtet med Redningsselskapet var på Kyrkjeflaten i Os sentrum i formiddag.

– I alt har vi 48 elevar som får vera med på dette. Vi synest det er veldig kjekt med instruksjon utanfrå, og med maritimt tema, seier kontaktlærar Vivian Litland.

På Kyrkjeflaten var det laga til ei løype med fem postar med spørsmål, oppgåver - og eit lurespørsmål.

«Kva nummer skal du ringa om du treng hjelp til sjøs?»

Du får nok hjelp same kva nødnummer du ringer, brann 110, politi 112 og helse 113 - men ingen hadde høyrd om Kystradiostasjonene sitt nummer, 120, før.

  • Redningsselskapet har eigne sider med undervisingsopplegg for ulike klassetrinn. Dei finn du her.
  • Vil du prøva deg på pensum til båtførarprøven - trykk her.

Bildeserien frå dagens aktivitet på Kyrkjeflaten under er synleg for pålogga abonnentar:

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.