På flukt frå Florida

Orkanen «Irma»: Då det var tomt for vatn og bensin starta kampen om å få togbillett for Veslemøy frå Os.

Veslemøy på toget onsdag kveld, på veg 900 km lengre nord. Fredag må ho reisa vidare for å vera trygg. (Privat foto)
Kjetil Vasby Bruarøy
Kjetil Vasby Bruarøytorsdag 07. sep. 2017 10:20

Bildeserie:

– Folk er letta for å koma seg på toget, men fryktar kva dei kjem tilbake til. (Privat foto)
Veslemøy bur i Boca Raton, rett nord for Ft Lauderdale og Miami.
Alt var stengt og stille i Florida i går, i dag er evakueringa i full gang. (Privat foto)
– Folk er letta for å koma seg på toget, men fryktar kva dei kjem tilbake til. (Privat foto)
Veslemøy bur i Boca Raton, rett nord for Ft Lauderdale og Miami.
1 av 3
Veslemøy bur i Boca Raton, rett nord for Ft Lauderdale og Miami.
Alt var stengt og stille i Florida i går, i dag er evakueringa i full gang. (Privat foto)
– Folk er letta for å koma seg på toget, men fryktar kva dei kjem tilbake til. (Privat foto)

For ei veke sidan blei Linn Marita Strønen van Dipten frå Os, som bur i Houston med familien, på dramatisk vis evakuert med båt. Midtsiden er i dialog med Linn Marita, som no har fått ungane tilbake på skule, og kjem tilbake med deira i historie i ei eiga sak.

Orkanen «Harvey» (kategori 4) merka dei lite til i Florida, men no er «Irma» (kategori 5) på veg over Karibia, den sterkaste orkanen som nokosinne er målt i Atlanterhavet. Onsdag kveld var to omkomne i orkanen, torsdag morgon melder TV2 at den har tatt minst sju menneskeliv.

Irma har retning Florida og er venta å nå delstaten laurdag. I Florida er evakueringa i full gang.

– Eg var på skulen måndag og tysdag, men tysdag gjekk straumen i alle bygningane til det 3500 kvadratmeter store universitetet og i dag (onsdag) fekk vi melding om at skulen var stengt til og med søndag, fortel Veslemøy Lekven Moberg.

Ho kom til Florida for tre veker sidan for å studera nevrovitenskap i tre år ved Florida Atlantic University. Universitetet ligg i Boca Raton litt nord for Fort Lauderdale og Miami.

– Nesten umogleg å få togbillett

I Boca Raton og fleire nabobyar var det ifølgje Veslemøy tomt for både bensin og flaskevatn onsdag. Alt i byen var stengt sjølv om orkanen ikkje er venta å nå land før laurdag.

– Folk blir oppfordra til å reisa frå Florida, også dei som bur i sokalla orkansikre hus. Staten er jo heilt flat, så vi må langt nord for å koma oss vekk.

Gjentatte forsøk på å kjøpa togbillett online var mislykka, i det studenten frå Os skulle tasta inn kortnummeret sitt blei handelen avbroten.

– Til slutt fekk eg heldigvis tak i ein billett til Charleston i Sør Carolina, der venninna mi Chelsea Lyssand bur. Men også der er det tomt for vatn, det er berre Voss Vann, eksklusiv vare frå Noreg, igjen i hyllene.

«No har også Charleston blitt erklært ‘state of emergency’, melder Veslemøy natt til torsdag norsk tid.

– Planen vår no er å reisa vidare til Atlanta fredag. I Florida er vegane no gjort einvegskøyrde for å ta unna den enorme biltrafikken.

Fryktar kva dei kjem tilbake til

Då Midtsiden chatta med Vesløemøy seint onsdag kveld sat ho på toget, på veg 900 km til Charleston.

– Stemninga er blanda. Folk er letta for at dei kom seg med toget. På veg om bord hjelpte eg to mødre med ungar og mykje bagasje til å koma seg om bord.

– Samtidig fryktar folk for kva dei kjem tilbake til, kor mykje skade orkanen vil gjera og om det blir flaum.

– Eg har opplevd tropisk orkan på Hawaii, men det var ikkje som dette, at alt er stengt fire dagar før orkanen kjem til land. Folk fryktar det verste, fleire av dei eldre hugsar også orkanen «Andrew».

Andrew førte til store øydeleggingar i Florida i 1992.

– Straumen kan vera vekke i fleire veker etter ein slik orkan, og det er dessutan ein til på veg, «José», som førebels har kategori 1, men som kan bli kraftigare etterkvart som den går over det varme havet, seier Veslemøy, som heldigvis er på veg til tryggare terreng.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.