På grunn i Lysefjorden

Tilsette hos TrygVesta følte seg nok ikkje heilt trygge om bord i MS Midthordland tysdag kveld.

Kjetil Vasby Bruarøytirsdag 26. mai 2009 22:12

47 passasjerar måtte samla seg på dekk då MS Midthordland gjekk på ei umerka grunne i Bakarvågen i Lysefjorden tysdag klokka 19.45.

- Nødvendige prosedyrar blei gjennomførte, og passasjerene fekk på seg redningsvestar, seier medeigar Espen Aspenes til bt.no.

Ingen blei skadd i grunnstøtinga.

Midthordland kom seg til kai på Buena og passasjerane, som var på firmatur, blei frakta vidare med buss.

Båten har truleg berre skrapa bortpå flua, og skal ikkje ha synleg lekkasje. Men Aspenes seier at dei skal ha dykkarar ned for å undersøkja nærmare.