På heiltid i Hollywood

Etter filmskule i 2015 reiste Hanne Catrine tilbake med arbeidsløyve. Det einaste som ikkje gjekk bra var statist-rolla i Greys Anatomy.

Hanne Catrine «Hannah» Andersen reiste måndag tilbake for å halda fram med å jobba i Los Angeles. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 31. mai 2016 11:53

Bildeserie:

Hanne spelte Plicia i God's Got Talent.
Hanne Catrine saman med Rosa van Iterson og Marlina Quiroz.
På settet saman med romvenninna Isabelle Menard.
Hanne klipte avsluttingsprosjektet i klassen.
Photoshoot i Malibu.
På jobb i L.A. for å dekka Outfest filmfestival for Hollywood Times.
Hanne spelte Plicia i God's Got Talent.
Hanne Catrine saman med Rosa van Iterson og Marlina Quiroz.
1 av 6
Hanne Catrine saman med Rosa van Iterson og Marlina Quiroz.
På settet saman med romvenninna Isabelle Menard.
Hanne klipte avsluttingsprosjektet i klassen.
Photoshoot i Malibu.
På jobb i L.A. for å dekka Outfest filmfestival for Hollywood Times.
Hanne spelte Plicia i God's Got Talent.

I januar var Hanne Catrine «Hannah» Andersen tilbake i Los Angeles med arbeidsløyve. Etter ein kort ferie/arbeidsleir i Os reiste ho i går over dammen igjen.

– Det var godt å vera heime igjen og kjekt å sjå skulebussen montert i restauranten!

Er-An Veikro-jenta fortel om eit travelt, men godt år på New York Film Acadamy i Los Angeles i 2015.

Studiet i fjor varte frå januar til oktober. Det var skule seks dagar i veka og berre éi veke sommarferie. Var du vekke meir enn to timar i eit fag så fekk du ikkje karakter i det faget. Det var strengt, men eg trur det er ein god måte å førebu studentane på filmbransjen. Har du ei rolle så kan du ikkje vera vekke sjølv om du er dårleg ein dag.

Skulen tilbyr ordinære studiepoeng og bachelorgrad, men Hanne Catrine var ikkje interessert i å ta matematikk eller andre fag, ho ville læra film og nøya seg med diplomen ho fekk for fullført eitt år på filmskulen.

– Gjekk det bra med karakterane òg?

– Ja, veldig. Eg fekk A i alle fag, der to av dei var A minus. Men eg trur ikkje karakterane er så viktige, det eg har lært, praksisen og kontaktane eg har fått har meir å seia. Lærarar og coachar er folk frå bransjen, med ulike roller i filmbyen. Coachen min speler advokat i den nye TV-serien om O.J. Simpson-saka, «American Crime Story».

Fekk 14 roller på 3 månadar

Filmskulen var god nok til at Hanne Catrine fekk arbeidsløyve i USA i år.

– Løyvet gjeld jobb relatert til skulen, så eg kan ikkje servera eller ta andre jobbar for å spe på inntekta, seier skodespelar-spira.

Likevel har ho meir eller mindre klart å gjera eit levebrød av sitt nye yrke, utan å tæra for hardt på sparepengane heimefrå.

– Det har berre blitt 14 roller, dei fleste er små, men store nok til at eg har replikkar og der karakteren min har eit namn. Fem av rollene er litt større.

Bak stolpen på Grey’s Anotomy

– Eg starta med å ta statistjobbar, noko eg framleis tar innimellom andre roller. Det er noko alle kan melda seg til, men vi som har gått filmskule har gjerne eit fortrinn. Der er du garantert minst 80 dollar, men går det over åtte timar, noko det ofte gjer, så får du meir.

Å vera på settet med Bryan Cranston kjent frå Breaking Bad har vore spennande, men det er eit anna statistoppdrag ho i utgangspunktet var endå meir kry av enn dei andre. I ein episode av den kjente Grey’s Anotomy, som nyleg blei vist på norsk TV, var Hanne Catrine statist.

– Vi sto på gata utanfor ein rettsal. Det blei filma med tre kamera og eg følte at eg hadde kamera tett på. Eg tipsa venar og familie før episoden blei vist, eg insisterte til og med på at dei måtte sjå episoden. Men eg måtte le då eg såg kor eg sto då den blei vist, bak ein lyktestolpe, med éin arm som stakk ut på kvar side.

Hanne Catrine ler og ristar på hovudet når ho fortel om sendetida ho fekk, men er samtidig nøgd med første del av arbeidsopphaldet i USA.

Ein del av oppdraga, reklamefilm og andre roller, kan ho ikkje fortelja noko om. Det er mykje som er strengt hemmeleg før det kjem på skjermen, uansett storleik og skala.

– Sidan eg har hatt fleire fag enn skodespelarfaget har eg òg jobba med kamera og blant anna tatt oppdrag for Hollywood Times, der eg har vore på rød løpar fleire gongar for å intervjua skodespelarar på veg inn til premierar.

Ho har òg hatt voiceover-oppdrag der ho les norsk manus til amerikansk firma, blant anna eit casinoselskap med onlinespel.

På 4-5 auditions i veka

Sjølv om ho no er friare med tida si no enn då ho studerte er det få late dagar i Los Angeles for tida.

– Auditions blir lagt ut med kort varsel og eg har ein teori om at dei som plukker ut kven som skal koma ikkje orkar å bla gjennom fleire tusen profilar. Derfor prøver eg å melda mi interesse så snart som mogleg.

– Eg ligg allereie inne i ein database med profilen min, og abonnerer på meldingteneste for ulike typar roller, så det blir stort sett rundt 100 epostar å sjekka kvar dag, tidleg og seint.

Hanne Catrine jobbar mykje og systematisk og går på 4-5 auditions i veka, ved sidan av å spela rollene ho får og ved sidan av statistjobbane ho tar.

Kan få YouTube-hjelp med eigen pilot

I haust, etter at ho kom heim til Os, lagde Hanne Catrine og den nederlanske venninna Rosa ein pilot til ein tv-serie dei fekk idé om, spelt inn i Os med fleire lokale skodespelarar og statistar.

– Rosa er også i L.A. no, og vi har vore på nokre jobbar saman.

– Ho har fått kjærast, ein YouTubar med to millionar følgjarar, og han kan hjelpa oss med å dela traileren når den er klar.

Det meste er ferdig og traileren til «The Chase» blir klipt i L.A.

– Er det ikkje best å visa den til selskapa før den blir delt på YouTube?

– Nei, det er meir som med musikk, selskapa er litt vanskeleg å jobba direkte mot. Men får du delt den mykje og den blir populær så få selskapa augene opp.

Hovudrolle og nye auditions

Når Hanne Catrine i no er tilbake i L.A. er det blant anna for å spela hovudrolle i ein ny kortfilm av Nicholas Cunha.

– Mens eg har vore heime så har eg ikkje sjekka så mykje kva auditions og statistjobbar som går, det meste skjer på kort varsel, også for større prosjekt, reklamejobbar og musikkvideoar. Kygo søkte etter statistar dagen før innspeling, for eksempel.

– Men eg har følgt med no før avreise og er tatt inn til to auditions no i juni, som eg rekk før eg må rett heim ei helg for å vera forlovar i kusina mi sitt bryllaup, fortalde Hanne Catrine Andersen før avreise.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.